Gipuzkoako Lurralde Historikoaren Kontu Orokorra Cuenta General ...

- Eraikina bere jarduera hasteko hornituta zegoen eta fisikoki suhiltzaileen etxetik urrun
geratzen zen, zaintzarik eta kanpoko argiztapenik gabe. Segurtasun arrazoiengatik
gomendatzen zen horren perimetroa argiztatuta egotea, gauean intrusioak ekiditeko,
suhiltzaileen etxetik horiek antzemate oso zaila baita. Gainera, eraikinak teknologikoki oso
aurreratua zegoen ekipamendua zuen eta horrek lapurrak erakar zitzakeen.
- Eraikinak bere jarduerari ekin ziezaiokeen edozein unetan, baina hori ez zen posible
sarbideak, hiritartzea eta kanpoko argiztapena gauzatu gabe zeudelako. Erabat
gomendagarria zen lan horiei azkar ekitea eta amaitzea.
Horrenbestez, baztertu egin zen prozedura ireki bat irekitzeko aukera, hori esleitzeko
hilabeteak beharko ziratekeelako, eta publizitaterik gabe negoziatutako prozedura bat hasi
zen eraikinaren elektrizitate enpresarekin; honek horretarako proiektu bat idatzi zuen
indarrean dagoen Herri Administrazioen Kontratuen Legearen 141.d) artikuluaren legezko
babesarekin. Kontratatuko ziren lanak eraikinaren eraikuntzaren osagarriak ziren. Ez ziren
ez proiektuan ezta kontratuan ere agertzen. Burutu beharrekoak ziren. Horien prezioak,
BEZa barne, ez zuen kontratuaren hasierako prezioaren %20 gainditzen. Prozedura horrekin
obra nagusia entregatzen zen aldi berean amaituta egotea lortzen zen. Eta gauzatze
proiektuan jasotako prezioak ez ziren Eraikinaren eraikuntzari aplikatutako prezioen
ezberdinak.
Sueskolako eremuaren hiritartzea
Kasu honen azalpena aurrekoaren berdina da. Sueskola eraikina amaitzen ari zenean,
zabalgunearen eta suhiltzaileen etxearen sarbideetako zoladura guztia konpondu nahi izan
zen, obretako kamioien joan-etorriekin hondatu egin zelako; horrekin batera, zatitu egin
ziren kanalizazioak, hondoratu egin ziren etxeko uren kutxetak eta itxiturak ere konpondu
nahi izan ziren.
Herri Administrazioen Kontratuen Legearen 141.d) artikuluko publizitaterik gabe
negoziatutako prozedurara jo zen elektrizitatearen kasuan azaldutako arrazoi berengatik.
Enpresa esleipenduna, zeini proiektua eskatu zitzaion, eraikina eraiki zuen enpresa da, eta
horietan sartu ziren prezioak hasierako obraren prezioekin bat zetozen. Kasu honetan ere
aurrekontuan ez zuen hasierako kontratuaren guztizko prezioaren %20 gainditzen.
Segurtasun arrazoiak ere bazeuden, izan ere, antzinako hesia hondatuta edo oso baxu
geratu zen, segurtasun arrazoiengatik eraikinaren eraikuntza-kota metro bat baino gehiago
jaso zelako.
Berehala egiteko beharraren arrazoia zen sarbide horiek Ordiziako suhiltzaile etxeko
ibilgailuek eta prestakuntza eraikineko erabiltzaileek egunero erabiltzen zituztela eta
50