Gipuzkoako Lurralde Historikoaren Kontu Orokorra Cuenta General ...

horietarako organo eskuduna Diputatuen Kontseilua da, beraz, Gipuzkoako Lurralde
Historikoarentzat 2006. urterako Aurrekontu Orokorrak onartzen dituen abenduaren 26ko
12/2005 Foru Arauko 18.7. artikulua urratzen da. Geroago, Diputatuen Kontseiluak
dirulaguntza horiek emateko ebazpena baliozkotu zuen.
Alegazioa
HKEE-k adierazten duen bezala, dirulaguntza horiek eskuduna ez zen organoak eman izana
zuzendu egin zen Diputatuen Kontseiluak dirulaguntzak ematen zituen ebazpenak
baliozkotu zituenean. Horrenbestez, ulertzen da ekitaldia ixterakoan ez zela huts hori egon,
beraz, eskatzen da fiskalizazio txostenetik atal hori ken dadin.
GFAren eta kirol talde baten artean sinatutako lankidetza hitzarmenean, ACB saskibaloi
ligan frankizia-postu bat eskuratzearen kostuaren %60 eskuratzeko 1.851 mila euroko
dirulaguntza bat emateko, onuradunak GFAri ACB liga uztean frankizia horren
eskualdaketarengatik jasotako kontraprestazio oro itzultzea aurreikusten zen. ACB liga utzi
zuenez, taldeak ez du frankizia saldu, beraz, ez da inolako zenbatekorik itzuli.
Ulertzen dugu, kirol denboraldi bakoitzean, GFAk formalki taldeari frankiziaren egoeraren
ziurtagiria eskatu behar liokeela.
Alegazioa
Gipuzkoako Foru Aldundiaren eta kirol taldearen artean 2006ko ekainaren 13an sinatutako
Hitzarmenaren bosgarren klausulako 4. atalak, maila jaitsieraren kasuan ACB liga
profesionalean frankizia-postu baten eskurapenari dagozkion eskubideak Foru Aldundiaren
alde pignoratzeari buruzkoa, aldatu egin zen ACB saskibaloi ligaren jakinarazpen bat
jasotzean, non adierazten zen ezin zela eskubide horiei buruzko bermerik eman.
Zentzu horretan, Diputatuen Kontseiluak, 2006ko abenduaren 5ean ospatutako bileran,
erabaki zuen klausula horren edukia beste batekin ordezkatzea. Azken eduki horretan,
hartutako konpromisoa aldatu gabe, helburu berari erantzuten zitzaion, lehen aipatutako
hitzarmenaren bosgarren klausulari 4. zenbakiari ondoko idazketa emanez: “………….. kirol
taldeak ondoko konpromisoa hartzen du: … 4. Gipuzkoako Foru Aldundiari ACB saskibaloi
liga profesionalean parte hartzeari dagozkion eskubideak transmititzeagatik kontraprestazio
ekonomikoren bat lortzen badu, dokumentu honetan jasotako ekarpen ekonomikoa itzultzea,
horren gehienezko mugaraino”.
Horrenbestez, taldeak hartutako itzultzeko betebeharra ez doa ACB liga uzteari lotuta,
tartean dagoen frankiziaren transmisioari lotuta baizik.
Frankizia, zuzenean berreskuratu ezin denez, gordailuan dagoenez eta taldeak, Gipuzkoan
egoten eta jarduten jarraitzen duenez, ez da aurreko paragrafoan begietsitako kasua eman.
79