Gipuzkoako Lurralde Historikoaren Kontu Orokorra Cuenta General ...

BATERAKO BOTO PARTIKULARRA, HERRI-KONTUEN EUSKAL EPAITEGIAREN
KONTSEILARI DEN JOSÉ MARÍA GORORDO BILBAO JAUNAK GIPUZKOAKO
LURRALDE HISTORIKOAREN 2006-KO KONTU OROKORRAREN FISKALIZAZIO
TXOSTENARI JARRITAKOA, BEHIN-BETIKO 2008-KO UZTAILAREN 15/17-KO
OSOKO BILKURAN ONETSI ZENA.
Nahiz bat natorren goiburuan adierazitako Fiskalizazio txostenaren osotasunarekin, ez nator
bat 2008ko uztailaren 15/17ko Osokoan hartutako erabakiarekin, ondoko arrazoi hauengatik:
1. Aspaldiaz geroztik defendatu dut Fiskalizazio txostenetan hainbat analisi barne
hartzeko komenigarritasuna, gastuaren exekuzioan arrazoizkotasunari dagozkionak (9.4.b)
art., jarduera ekonomikoaren eraginkortasun eta efizientziaren azterketari (9.3 art.) eta
publiko den ororen kudeaketan gardentasunari dagozkionak, besteak beste, txostenetan
jasoaz hornitzaileen analisia, Kontratazio mahaiaren osaera, hainbat Taldek kudeaketa
ataletan parte-hartzea, arrazionalizazio neurrien proposamenak eta antzekoak, txostenean
islatu ez direnak.
Txostena legezkotasunaren eta finantzaren fiskalizazio hutsera lerratu da, baina
kudeaketa eta gardentasuna xede dituen fiskalizazioak jarri behar lituzke abian. Bere garaian
Osokoarentzat “Politika publikoen ebaluazioa” izenburupean mamitu nuen txostenera
bilduko naiz. “Eraginkortasun, ekonomia eta efikaziaren” kontrola, 2007ko ekainaren 14ko
Osokoan onetsi zena eta Eusko Legebiltzarraren Ekonomia eta Ogasun Batzordera igorri
zena.
2. Bada, aurreko urtean defendatu nuen legez, legezkotasuna betetzeari buruzko iritziaren
atalean (I.1), “Sarrera fiskalak” atalari dagokionez, nire iritzira euskal sektore publikoaren
ekonomia-finantza jardueren atal fiskalizatzaile goren den Herri-Kontuen Euskal Epaitegiak
(azaroaren 25eko 27/1983 Legearen 30. art., Autonomia Erkidegoaren Erakunde Komunen
eta bere Lurralde Historikoetako Foru Organoen Harremanen Legea eta otsailaren 5eko
1/1988 Legearen 1. art., Herri-Kontuen Euskal Epaitegiarena) behar hainbateko baliabide
legezkoak dituela euskal sektore publikoaren eta sektore horretakoak diren erakundeen
kudeaketari buruzko espediente eta agiri, datu, aurrekari eta txosten guztietarako irispidea
izateko; baita, kasua balitz, eskatutako informazioa igortzeko exijitzekoa, baita horretarako
behartzeko neurriak erabiltzekoa ere.
“Sarrera Fiskalak” atalaren 4. puntuari emandako idazkerak ez ditu aintzat hartzen aurrez
adierazitako legezko aukerak, bere eskumenen aribidean egitekoak betearazteko
Epaitegiaren eskura utziak.
93