Gipuzkoako Lurralde Historikoaren Kontu Orokorra Cuenta General ...

Lurralde Antolaketa eta Sustapenerako foru diputatuaren azaroaren 29ko 59/05 Foru
Aginduaren bitartez, kontratuaren gauzatzea enpresen aldi baterako elkarte bati esleitu
zitzaion, eta 2006ko urtarrilaren 5ean kontratu administratiboa sinatu zen. Horren ondoren,
enpresa esleipendunak, kontratuko baldintza orrietan ezarritakoaren arabera, esku-hartze
osoaren oinarrizko proiektu orokor bat aurkeztu zuen, hau da, kontratatutako prestazioa
gauzatzen hasi zen.
Hala ere, Fiskalitaterako eta Finantzetarako zerbitzuak Pio XII enparantzan behin
behingoz zituzten lokaletatik behin betiko Errotaburu eraikinera aldatu zirela aprobetxatuz,
Foru Administrazioaren Kalitaterako Departamentuak komenigarri iritzi zion Jauregiaren eta
Peñaflorida kaleko eranskinaren zati handi bat husteko erabakia hartzeari, Pio XII
enparantzako aipatu lokalak erabiliz, posible izan baitzen horien alokairua luzatzea. Horrekin
lortu nahi zena zen, Foru Jauregiko eta bere eranskineko lanak epe laburragoan gauzatzea,
eta lanak burutzeko behar ziren faseen kopurua murriztea ahalbidetzen zen.
Halaber, komenigarritzat jo zen hasiera batean proiektatu ziren lanen irismena aldatzea,
izan ere, beharrezkotzat jo zen Peñaflorida eraikin erantsiaren bi patioak estaltzea, bulego
gisa erabiltzeko azalera erabilgarria gehitzeko, eta beheko solairuan sartzeko atondo
orokorraren antolamendua, zatiketak eta itxitura elementuak aldatzea.
Horren guztiaren ondorioz, Diputatuen Kontseiluak, 2006ko ekainaren 20ko bilkuran,
lanen aldatutako gauzatze proiektua onartu zuen, 294.219,3 euroko aurrekontu
gehigarriarekin, BEZa barne.
GFAk ez ditu kontratazio administratiboaren derrigorrezko espedienteak izapidetu helburu
bakarrarekin burututako lanetan, jarraian laburtuko ditugun gastu bakoitza gauzatzeko: 492
mila euroko 4 lan, guztira 463 mila euroko 5 hornidura, guztira 1.131 mila euroko 14
laguntza tekniko eta 183 mila euroko kontratu pribatu bat (Ikus E.15.4. Eranskina).
Alegazioa
Sueskolaren urbanizazioaren argiztapena
Sueskola eraikitzeko lanak amaitzen ari zirenean, antzeman zen eraikin berria kokatzen zen
lurzatiaren zabalgunean ez zegoela kanpoko argiztapenik. Zegoen bakarra gutxi gorabehera
ehun metroa zegoen suhiltzaileen etxean zegoen eta ez zen nahikoa, Sueskolaren zati handi
bat etxearen bistatik eta argitik kanpo geratzen zelako. Puntu hori ez zegoen eraikinaren
lanen proiektuan sartuta, ezta kontratuan ere.
Kontua zen plataforma osoan PVC-zko hodien kanalizazio berri bat, kobrezko eroaleak,
farolak, ainguraketak kokatu behar zirela. Lanen zuzendaritzak gomendatu zuen lan horiek
eraikinaren elektrifikazio lanak burutzean hasteko eta eraikinean lanean ari ziren enpresek
kontratua amaitu aurretik, izan ere, horrela, bertara joandako baliabide teknikoak eta giza
baliabideak erabiliko ziratekeen.
Bi arrazoi zeuden kanpoko argiteria azkar kontratatzeko:
49