Gipuzkoako Lurralde Historikoaren Kontu Orokorra Cuenta General ...

Kontratazio espedienteak
2006an zehar guztira 150.784 mila eurotan esleitutako hamalau espedienteren administrazio
klausulen baldintza orriek eskaintza ekonomikoa baloratzeko formula finkatzen dute;
formula hau objektiboa eta publikoa izan arren, baldintzen orrian bertan aurreikusitako
prezio faktorearen neurketaren aurka doa. Horrela, bada, nahiz eta lizitazioaren baldintzetan
aurreikusten den prezio faktoreak lehiaketan %15 eta %50 arteko pisua izan behar duela,
egiatan, formulak aplikatu ondoren, garestienaren eta merkeenaren puntuen arteko aldea
ehuneko 1 eta 11 punturen artekoa da; horren ondorioz, pisua galtzen du irizpideen guztizko
balorazioan.
Alegazioa
Proposamen ekonomiko garestienaren eta merkeenaren puntuen arteko aldea, pleguetan
aurreikusitako formula aplikatu ondoren, lizitazio bakoitzerako aurkezten diren eskaintzen
arabera aldatzen den gaia da. Horregatik, irizpide horrek lizitazio bakoitzean irizpideen
guztizko balorazioari dagokionez hartzen duen pisuak ez gaitu halabeharrez puntuen arteko
horren alde txikiaren eta pleguan aurreikusitako neurketarekiko kontraesan baten ondoriora
eramaten.
2006ko ekitaldian esleitutako zazpi espedientetan, bat prezio unitarioetan eta sei guztira
23.570 mila euroko zenbatekoan, esleipena ez da dagozkion aldizkari ofizialetan argitaratu.
Alegazioa
Epaitegiak ohartarazten du Batzar Nagusietarako fotokopiagailuen alokairua eta ikusentzunezko
ekipoak hornitzeko kontratuen eta Foru Aldundiko zentroen zaintza
zerbitzuaren kontratuaren esleipena ez dela Aldizkari Ofizialean argitaratu.
2006. urtean, kontratuen esleipena pertsonalki jakinarazten zen, ez soilik esleipendunari,
baita parte hartzen zuten enpresa guztiei ere, esleipenaren ebazpenaren aurka jar zitzaketen
errekurtsoei buruzko informazioa emanez. Hala ere, era irregularrean, seihilabetean edo
urtean behin iragarkietan ere argitaratzen ziren, baina beti ez ziren guztiak jasotzen. Aldiz,
2007an ia guztiak argitaratu ziren prozedura amaitzerakoan, eta horren kopia jaso zen
espediente bakoitzean. Baina horrek ez du esan nahi jada ez direla banaka jakinarazi.
Gipuzkoako Kirol Ekipamenduetako Lurraldearen Arloko Planaren aurrerapena
idazteko aholkularitza kontratua, 2006an 128 mila eurotan esleitu zena eta 2007ko
irailean amaitzea aurreikusten zena, behin eta berriz urratu du kontratistak, eta
GFAk ez ditu HAKLTB-ko 111. artikuluan eta hurrengoetan aurreikusitako zegozkion
69