Gipuzkoako Lurralde Historikoaren Kontu Orokorra Cuenta General ...

Huts orokorrak aztertutako dirulaguntza mota ezberdinetan
Dirulaguntzen espedieenteak berrikusterakoan, antzeman da kasu batzuetan balio
erantsiaren gaineko zergarako dirulaguntzak eman direla, zenbateko hori fiskalki kengarria
denean dirulaguntzaren onuradunen aitorpenean. Antzemandako 6 kasuez gain, Iritzian
agertzen direnak (ikus I.4. atala), GFAk kirol taldeekin sinatutako babes kontratuetan aipatu
zergaren egoera ere berrikusi dugu eta ondoko ondorioak atera ditugu:
• Kontratuetan guztira 91 mila euroko BEZ eragin duten zortzi kirol taldek ez dute
zergaren aitorpenik egin dagokion aldian eta ez dago ondorengo aitorpenei buruzko
daturik, kirol talde nagusiena salbuetsita, izan ere, honek 2006ko aitorpen-likidazioan
jaso baitu 70 mila euroko zenbatekoarekin.
• Ezin izan dugu egiaztatu gainerako taldeen egoera, izan ere, GFAk ez du beharrezko
dokumentazioa.
Ulertzen dugu BEZa diruz laguntzeko, GFAk aurretiaz onuradunari zergaren
aitorpenetik salbuetsita dagoela kreditatzen duen beharrezko dokumentazioa
justifikatzeko eskatu behar liokeela. Bestalde, kirol taldeak aztertu beharko lirateke,
zergaren behar bezalako likidazioa egin dutela egiaztatzeko.
Alegazioa
Interes orokorreko jardueretan lankidetza hitzarmenak egiteari dagokionez Balio Erantsiari
buruzko Zergaren gainean Zerga Zuzendaritza Nagusiak 1999ko martxoaren 9an emandako
Ebazpenak ondokoa adierazten du:
1. Laguntzailearen partaidetza, irabazi asmorik gabeko entitateek beren gain hartutakoa,
Fundazioen eta interes orokorreko jardueretan parte-hartze pribatuari pizgarri fiskalak
ematearen gaineko azaroaren 24ko 30/1994 Legeko 68. artikuluan araututako lankidetza
hitzarmenen esparruan hedatzeko konpromisoarekin, ez da zerbitzuen prestazio gisa
hartzen Balio Erantsiaren gaineko Zergaren ondorioetarako.
2. Laguntzaileak irabazi asmorik gabeko entitateari eskainitako laguntza ekonomikoa,
honek aurreko 1. zenbakian aipatutako lankidetza hitzarmenen esparruan interes
orokorreko xedeak burutu ditzan, ez da Balio Erantsiaren gaineko Zergari lotutako
eragiketa baten kontraprestazioa.
Irabazi asmorik gabeko entitateen zerga erregimenari eta mezenasgoaren aldeko zerga
pizgarriei buruzko apirilaren 7ko 3/2004 Foru Arauko 28. artikuluak, enpresen lankidetza
hitzarmenei aplikagarria zaioen zerga erregimenari aplikagarria zaionak, ondokoa xedatzen
du:
1. Foru Arau honetan aurreikusten diren ondorioetarako, enpresa batek onura orokorreko
jardueretan laguntzeko lankidetza hitzarmena egina duela onartuko da, baldin 18.
artikuluan aipatutako entitateren batek enpresa laguntzailearen parte hartzea edozein
75