Gipuzkoako Lurralde Historikoaren Kontu Orokorra Cuenta General ...

premiazkoa zen horiek amaituta izatea 3 .
Errotaburuko eraikina berreraikitzeko kontratuan, 2005ean 1.814 mila eurotan esleitu zen
horretan, 2006ko ekitaldian zehar kontratuan funtsezko aldaketa bat egiten da, 793 mila
eurokoa, aurretik HAKLTB-ko 146. artikuluan ezarritako derrigorrezko onarpena burutu
gabe. Aldaketa hori Diputatuen Kontseiluak onartu zuen 2007ko otsailaren 27an, eraikinaren
gehiengoa abian jarri ondoren.
Alegazioa
Hain zuzen ere, proiektuaren aldaketa Diputatuen Kontseiluak onartu zuen 2007ko
otsailaren 27an, berreraikitako eraikina berriro ere erabiltzen hasi ondoren.
Sutea 2005eko ekainaren 13an gertatu zen eta urte horretako abenduaren 30ean
eraikinaren zati bat jada martxan zegoen. Eraginkortasun arrazoiek bulegoak ahalik eta
azkarren berrerabiltzea gomendatzen zuten, Departamentuaren jarduera normaltasunera
itzul zedin.
Errotaburu bezalako proiektu batean emandako desbideratze ekonomiko batek, horrelako
hondamen batek eragindakoak, badu justifikaziorik: beharrezkoa da azkar normaltasunera
itzultzea. Horrenbestez, proiektua eratzeko prozesua azkartu egin zen eta ondorioz, prozesu
arruntetatik, non proiektua eta lanak zentzuzkoagoak diren epeen barruan dauden, erator
daitezkeen aldaketak baino zenbateko handiagokoak eragin zituen.
GFAko eraikinen garbiketa zerbitzua, 2.658 mila euroko gastua duena, zuzenean aurreko
ekitaldietan 2001. urtean lehiaketa publikoaren esleipenaren bidez zerbitzua eskaini duen
enpresarekin kontratatzen da. Honek jada agortu zituen HAKLTB-an aurreikusitako luzapen
guztiak, beraz, publizitate eta lehiaketa printzipioak urratu dira. Egoera bera ematen da
Eibarko egoitzan asteburuko zaintzaileen zerbitzuen prestazioan, 2006ko ekitaldian 1.001
mila euroko gastua duena. Horrenbestez, gastua HAKLTB-an eskatutako prozedura irekia
burutu gabe egin da.
Alegazioa
Epaitegiak aipatzen duen lehiaketa publikoa 2007ko azaroan aldizkari guztietan argitaratu
zen eta, lehiaketa moduan prozedura ireki baten ondoren, 2008ko apirilean esleitu da. Baina,
hain zuzen ere, 2006an ez zen deialdia egin, azken luzapena agortu zen arren; izan ere, une
horretan garbiketaren sektorean sindikatuek enpresa esleipendunen langileen eta garbiketa
kontratatzen zuten enpresetan funtzionarioak ziren antzeko langileen artean soldatak
parekatzeko aldarrikapena hasi zuten.
3 Sueskolako bi obrak ez dira kontratu nagusiaren aldakuntza modura izapidetu eta bi kasuetan kontratu
horren esleipen hartzaileaz besteko enpresekin kontratatu dira.
51