Gipuzkoako Lurralde Historikoaren Kontu Orokorra Cuenta General ...

Jabe pribatuekin burututako negoziaketak 2005eko azaroan hasi ziren eta gehienekin
akordio bat lortu zen 06/2/16an, 06/1/27ko balorazio txostenak ezarritako balorazio urkila
baten barruan kokatutako prezio batean.
Era berean, Udalarekin sinatu beharreko hirigintza hitzarmenean azken honek ETORLURi
esparru horretan zuen bere jabetzako lurzorua saltzeko konpromisoa hartu zuen, jabe
pribatuekin adostutako prezio berean.
Jabe pribatuekin egindako kontratuen sinadura 06/3/17an hasi zen, beraz, Administrazio
Kontseiluak eragiketa onartu zuen egunean (06/3/20an), hain zuzen, ETORLUR-ek ez zuen
oraindik esparru horretako lurzoruaren gehiengo jabetza, nahiz eta “Orbegozo” esparruko
lurzoruaren %80a osatzen zuten jabeekin (pribatuekin eta Udalarekin) akordioak lortu
zituen.
Kontseiluak 06/3/20an jarduera onartu ondoren, lurren erosketa burutu zen eta lurzati
pribatuen erosketa 2007ko ekainean amaitu zen.
Aurreko guztia adierazi ondoren, aipatu behar da ez dagoela kasu horietarako kanpoko
tasazio bat eskatzea beharrezko egiten duen eta ETORLUR-i aplikagarria zaion araudirik.
2.- Eragiketa honi dagokionez etorkizuneko ekitaldietan burutzen diren gastuen
aurreikuspenak finantza-egoeretan sartzea.
HKEE-ren txostenak ondokoa adierazten du: “Sozietatearen finantza-egoerek ez dute
gastuen aurreikuspenik begiesten ez ekitaldi arruntean ezta etorkizuneko ekitaldietan
eragiketa honi dagokionez”.
Kontu horri dagokionez, gomendio gisa ondokoa jasotzen du: “... kontratuaren zenbatekoa
kontuan izanik eta Administrazio Kontseiluak berak horri ekiteko finantzaketa beharra
dagoela agertzen duelarik, GFAn zegozkion urte anitzeko kredituak edo zorpetzeko baimena
jaso behar ziren”.
Ulertu behar da HKEE 2006ko ekitaldiko aurreikuspenezko finantza-egoerei buruz ari
dela, Sozietatearen aurrekontua osatzen dutenak eta urte horretako Lurralde Historikoaren
Aurrekontu Orokorrean sartzen direnak.
Hain zuen ere, 2006ko ekitaldirako ETORLUR-en aurreikuspenezko finantza-egoerek eta
aurrekontuak ez zuten izenez proiektu horretarako aurreikuspenik barne hartzen, izan ere,
aurrekontua eratu zen garaian (2005eko urria) ez zen ziurra jarduera onartuko zenik, ezta
zein izango ziren horren garrantzi ekonomikoa eta gauzatzeko epeak ere.
ETORLUR-en 2006ko ekitaldiko urteko kontuek, urte horretako abenduaren 31n itxi
zirenek, jasotzen dituzte ekitaldian zehar jarduera horri zegokionez burututako gastuak
(soil-soilik Orbegozoko lurzorua erosteari zegozkionak), halaber, ekitaldiko kudeaketa
txostenean deskribatzen dena.
88