Gipuzkoako Lurralde Historikoaren Kontu Orokorra Cuenta General ...

4.5. II.5. LANGILEAK ATALARI BURUZKO ALEGAZIOAK
Auzitegiak, aurreko urteetan bezala, Foru Aldundi honen langileen politikaren ondoko
alderdiei buruzko gogoetak egiten ditu:
a) Erretiro sariak ez daude Euskal Funtzio Publikoaren Legeak aurreikusten duen
arrazionalizazio programa batean babestuta.
Foru Aldundiak onartu duen Aparteko Plan bakarra, bere neurrien artean erretiro
aurreratuen politika bat zuena, 1998an hasi zen eta 1999an amaitu zen. Plan Estrategiko
honek neurri jakin batzuk zituen. Horietako batek funtzionario talde jakin batzuen erretiroa
lortu nahi zuen eta horiei gehitzen zitzaien eragindako Departamentuak horien estaldura ez
proposatzeko konpromisoa hartzen zuela, baldintza ekonomiko berezi batzuetan. Neurri
hori, esan den bezala, 1999ko abenduaren 31n amaitu zen eta ez da berrargitaratu.
60 urte betetzen dituzten egunetik aurrera derrigorrezko erretiroaren adinera arte
borondatez erretiratzen diren funtzionarioei urtero ordaintzen zaizkien erretiro sariak
EUFALEBA-n eta Langileen Erregelamendua urtero onartzen duen Kontseiluaren
erabakietan aurreikusita daude. Hau da, izaera ezberdina dute: langileen eskubide bat da,
Administrazioaren eta sindikatuen ordezkarien artean adostutakoa. Lan eskubide bat da,
haurtzaindegientzako laguntzak edo senideen heriotzarengatik lizentzia egunak bezala.
Funtzionarioak bere borondatearen arabera gozatzen ditu edo ez, eta horretan Foru
Aldundiak ezin du aurkako ezer esan, Langileen Erregelamenduaren ezaugarriak ematen
badira.
b) Era berean, Epaitegiak ulertzen du urtero apirilean kontratatzen diren Errenta kanpainan
laguntzeko erdi mailako teknikariak ez direla programen arabera bitarteko funtzionarioak
izan behar; egiturazko beharrengatik kontratatzen badira LPZn sartu behar dira.
Beste txosten batzuetan esan den bezala horien beharra alda daiteke, kontuan izanik gaur
egun aurre-likidazio gehiago igortzeko eta urtero geroz eta aurretiko zita gutxiago emateko
joera dagoela, eta Gipuzkoako zergadunen eskura jarritako bide telematikoen bidez egindako
aitorpenak etengabe gehitzen ari direla.
Azken urteotan kanpaina laburtu egin zen eta litekeena da joerak etorkizunean gora
egitea.
2008ko otsailaren 19an LPZ aldatzea onartu zen, kanpainako erdi mailako teknikarien 20
postu sortuz. Postu horiekin iruzurraren aurkako teknikarien kontratazioa ebatzi da eta
errenta kanpainarako programen araberako bitarteko funtzionarioen kontratazioa 20
gutxiagokoa da.
c) Azkenik, Epaitegiak ulertzen du suhiltzaileek kobratzen dituzten jaiegun eta gaueko
plusena kontzeptu aldakorra dela eta horiek benetan betez gero kobratu behar lituzketela.
Egia da plus horiek izaera aldakorra dutela eta beraz, horiek nominan jasotzea ala ez
jasotzea benetan burututako egutegiaren araberakoa izan beharko litzatekeela. Baina
guardia aldaketen eta beraz, txanda aldaketen aukerarengatik, aholkatzen da jai egunetan
eta gauez burutu behar diren orduak kalkulatuta dituzten urteko egutegi sistema egonkor
82