Gipuzkoako Lurralde Historikoaren Kontu Orokorra Cuenta General ...

alorazioa eskatu zuela, behin erabaki zenean azkenean Foru Aldundia izango zela
higiezinaren %50eko partaidetza eskuratuko zuena.
Finkaren tasazio balioa, 2006ko azaroaren 10ean emandako txostenaren arabera,
5.479.000 euroko zenbatekoa zen, hasiera batean adostutako salerosketa prezioa baino
altuagoa.
Bestalde, tasazio txosten hori Espainiako Bankuaren Entitateen Erregistroan
inskribatutako tasazio sozietate batek eman zuen eta ez da zalantzarik izan behar aipatu
txostena, bere erantzukizunaren mendean, eman zuten tasatzaileen gaitasun teknikoari eta
profesionaltasunari buruz.
Azkenik, adierazi behar da aipatu finka hirugarren enpresa bati alokatuta zegoela,
1995eko martxoaren 17an 25 urteko aldirako sinatutako alokairu kontratu baten bidez.
Enpresa horrek kokapen berri bat bilatzeko interesa adierazi zuen, Intsausti sektorean
garatzen zuen jarduerak zuen irauteko asmoarentzako egokiagoa zena.
Horri dagokionez, adierazi behar da salerosketaren kontratu pribatuaren laugarren
klausulan jaso zela, sozietate errentariak, salerosketaren eskritura publikoa gauzatzen zen
egunerako, bere jarduera lekuz aldatzeko merkataritza lokal bat eskuratu ez balu, eroslea
errentatzaile gisa subrogatuko zela aipatu alokairu kontratuan.
Dena den, bi alderdi erosleek aipatu kontratuan adostu zuten alokairu kontratutik
eratorritako errentak osorik, subrogazioaren kasuan, “Azkoitia Lantzen, S.A.” udal sozietate
publikoak jasoko zituela eta hau bera izango zela bere garaian, kasua balitz, errentariari
alokatutako lokala behar baino lehenago utzi beharragatik legozkiokeen kalteordainak
ordaindu beharko lizkiokeen bakarra.
Horrela, Etorlur Gipuzkoako Lurra, S.A. sozietate publikoa, aipatu alokairu kontratutik
erator litekeen edozein kalteordain edo erreklamaziotik salbuetsita geratzen zen.
Horrenbestez, eta “Azkoitia Lantzen, S.A.”-k eskuratzaile berriarekin, hau da, Gipuzkoako
Foru Aldundiarekin konpromiso hori mantendu zezan, beharrezkotzat jo zen estipulazio hori
Foru Aldundi honek aipatu finkaren %50aren partaidetza zatiezina lortzea ekarri zuen
salerosketa eskritura publikoan jasotzea.
2. FORU ALDUNDIAREN KONTUARI BURUZKO IRITZIAREN GAINEKO
ALEGAZIOAK
Epaitegiaren txostenak ondokoa jasotzen du:
GFAk ez ditu aurrekontuan erregistratzen ez zerga zordunak, ezta hartzekodunak ere. Era
berean, diruzaintzaren gaindikinean ere ez da islatzen kaudimen-gabezietarako hornidura,
ezta erakunde-konpromisoetarako hornidura ere. Partida horien ondorioak dakar aurrekontu
kontabilitatetik sortzen den diruzaintza gaindikina 9.585 mila euro gehitu behar dela (Ikus
A.7 Eranskina).
62