Gipuzkoako Lurralde Historikoaren Kontu Orokorra Cuenta General ...

KONTRATAZIO ADMINISTRATIBOA
Atal honetan Herri Kontuen Euskal Epaitegiak ondokoa adierazten du:
2006ko ekitaldian Diputatuen Kontseiluak kirol talde batekin babes kontratu bat sinatu zuen
4.000 euroko zenbatekoan (500 mila euro 2006ko ekitaldirako eta 3.500 mila euro 2007tik
2010era arteko ekitaldietarako). Gainera, beste 19 kirol talderekin beste horrenbeste babes
kontratu onartu zituen, guztira 1.000 mila euroko zenbatekoan (700 mila euro 2006ko
ekitaldirako eta 300 mila euro 2007ko ekitaldirako). Sinatutako babes kontratuen xedea
orokorra da eta ez dira zehazten kirol taldeek kontratuak betetzeko burutu behar dituzten
ekintzak; horrek horiek desnaturalizatzea dakar eta eragotzi egiten du horiek bete direla
egiaztatzea. Horrenbestez, eragiketa horren dirulaguntzazko eduki bat du. Hori dela-eta,
publizitate eta lehiaketa printzipioak bete behar ziren.
Azkenik, 3.800 mila euroko kontratu horiek finantzatzeko konpromisoko kredituak
Diputatuen Kontseiluak onartu zituen, baina eragiketa gastu arrunta denean ezin du organo
horrek onartu; horrenbestez, Gipuzkoako Lurralde Historikoarentzat 2006rako Aurrekontu
Orokorrak onartzen dituen 12/2005 Foru Arauko 8. artikuluan ezarritakoa urratu da.
Alegazioa
Kirol taldeekin egindako aipatu kontratuen helburua Gipuzkoaren kanpo eta barne irudi on
bat ematea zen. Ulertu zen gure balio positiboak, taldeko lana, ahalegina eta jarrera
proaktiboa erronka berriei aurre egiterakoan, taldeek beren jarduera burutzerakoan igortzen
dituzten balioak direla. Kirol taldeekin lankidetza hitzarmenak sinatuz, balio horiek lurralde
osoari lotuta geratzen ziren eta, nolabait, bere irudiaren ikur bihurtzen ziren.
Testuinguru honetan, kirolak eragin erabakigarria du lurralde baten irudia bezalako balio
ukiezin batean. Bat egiten dute, batetik, bere oihartzunak duen kirol-kultura izaerarengatik,
eta bestetik, kirolek komunikabideetatik duten jarraipenak, eta bereziki, goi mailetan
dauden taldeen kasuan.
Kirol talde ezberdinekin sinatutako kirol babeseko kontratu ezberdinetan, lehen
aipatutako loturaz gain, jasotzen ziren talde ezberdinek bere gain hartzen zituzten
betebeharrak. Betebeharrak ondokoak ziren: Gipuzkoako Foru Aldundiaren logotipoak eta
honekiko hitzarmenari buruzko erreferentziak sartzea ekipamenduan, publizitate estatikoan,
programetan, posterretan, eta abarretan; eta oinarrizko kirola sustatzeko eta kirola Gipuzkoa
osoan zabaltzeko helburuekin jarduera ezberdinetan eta izaera soziala edo ongintzazkoa
duten aparteko jardueretan parte hartzeko konpromisoa.
Atal honetan, HKEE-k ere adierazten du kontratu horiek finantzatzeko konpromisoko
kredituak Diputatuen Kontseiluak onartzen dituela, baina eragiketa horren gastu arruntaren
izaerak organo horrek onartzea ez du ahalbidetzen.
Zentzu horretan, 2006. urterako Gipuzkoako Lurralde Historikoko Aurrekontu Orokorrak
onartzeari buruzko 12/2005 Foru Arauko 8. artikuluak adierazten du “Diputatuen
Kontseiluak [...] 2006tik aurrerako ekitaldietan luzatu beharreko gastu berriak onar ditzake,
baldin eta ondoko kasuetako bat badira:
46