Gipuzkoako Lurralde Historikoaren Kontu Orokorra Cuenta General ...

Antolamenduko Arauen Berrikuspenean sartzeko eta bere garaian behin-behineko
onarpena emateko konpromisoa hartu zuen.
• ETORLUR eta enpresaren arteko akordioak salerosketa kontratu baten bidez gauzatuko
ziratekeen. Horren arabera, ETORLUR-ek Floridan enpresak zuen lurzorua eskuratuko
zukeen, prezio bat ordainduz, eta prezio horren zati bat Orbegozoko industria lurzati
baten entrega izango zatekeen, enpresaren pabiloi berria eraikitzeko erabiliko zatekeena.
Sarrera labur hori egin ondoren, jarraian Epaitegiaren txostenean jarduera horri
dagokionez planteatutako hainbat gairi erantzungo zaie.
1.- Eskuratutako eta entregatutako finken balorazio txosten teknikoen ustezko gabezia.
HKEE-ren txostenak adierazten du “ez dela existitzen eskuratutako eta entregatutako
finken balorazio txosten teknikorik”; ulertzen dugu baieztapen hori ez dela zehatza, ez badu
esan nahi “kanpoko” balorazio txostenik ez dagoela.
Eskuratutako finkari dagokionez, (gaur egun enpresak Florida auzoan duena), ETORLURek
jarduera posibleari buruzko azterketa bat hasi zuenetik (2005eko maiatza) hori
Administrazio Kontseiluak 06/3/20an onartu zuen unera arte, sozietatearen teknikari eta
arduradunek ondoz ondoko bideragarritasunaren azterketa ekonomikoak burutu zituzten,
LU-12.10 eta LU-24.2. esparruetarako aurreikusitako hirigintza parametroei zegokienez
alternatiba ezberdinak eta bakoitzari zegozkien kostu eta sarrerak begiesten zituztenak 15 .
Proiektua onartzeko 06/3/20ko Administrazio Kontseiluari aurkeztutako dokumentazioan,
eta Epaitegiaren txostenean aipatutako finantzaketa planarekin batera, Udalarekin eta
enpresarekin adostutako parametroetara egokitutako jardueraren azterketa ekonomiko bat
sartu zen, hura bideragarria zela frogatzen zuena.
Ulertu zen ez zela komenigarria Administrazio Kontseiluak jarduera onartu aurreko lanak
garatzen ziren bitartean Floridako lurzoruaren kanpoko balorazio bat eskatzea, izan ere,
ohiko tasazio bat, aplikagarria den araudiaren arabera lurzoruak une hartan zuen
kalifikazioan oinarritu behar zatekeena, ez zen batere koherentea izango Udalaren,
ETORLUR-en eta enpresaren artean adostutako jardueraren planteamenduarekin.
“Entregatutako” finkari dagokionez (horrela ulertu behar da “Ibaiondo” edo “Orbegozo”
LU-24.2. esparruko lurzorua), Lurralde Antolaketarako eta Sustapenerako Departamentuko
Lurzoruaren Kudeaketa zerbitzuburuak burututako bi balorazio txosten zeuden, lehenengoa
05/3/10ekoa eta bigarrena, aurrekoa eguneratzen zuena, 06/1/27koa 16 .
15 Bideragarritasunaren azterketa ekonomikoak ez du zerikusirik lursailen balorazioari buruzko txosten
teknikoarekin; hori ez izatea ez baita suposamendu hutsa, egia baizik, alegazioaren testutik beretik eratortzen
den moduan.
16 Sozietateari txosten hauek eskatu zaizkiolarik, ez zaizkigu eskuratu ez lana egiteko fasean, ez eta alegazioak
aurkeztekoan ere.
87