Euskal prentsa herri proiektua da - Euskara

IV. Atala: egunkaria irtenbide. Porrotaren eta erabakiaren artean
Ondoren Bizkaiko Euskerazaleetara jo gendun. Hara joan ta oso lagun onak genittun batez
ere Iñaki Zubiri ta Agustin Zubikarai ta... Bildu ta esan ziguten, hara hau gure ustez diru
aldetikan arazo oso larria da ta guk hemen Blboko dirudun jendea bilduko dugu; zuek ona
etorri zaitezte, ta halaxe, Euskarazalenean bildu ginen. Batzuk ezagutzen nittun, Xabin
Zubiri esate baterako; besteak ez dittut gogoan. Joxe Luix Iriarte eta biok joan ginen, gure
asmoa zer zen adierazteko. Joxe Luixek azaldu zuan arazoa. Nik begiratzen nittun ta "bai,
bai, oso ondo, oso ondo" esaten zuten baina argi eta garbi ikusten zuten garai artan
euskera hutsez egindako egunkari bat eziña zala. Argi ta garbi ikusi nuan nik handik
dirulaguntzarik ez genula izango. Beak egunkari baten bearra, ta euskera kutsuko ta euskal
sena duan egunkari baten bearra ikusten zuten. Eta haiek berak andik oso denbora gutxira
'Deia' atea zuten. Ori ikusita, guk soziedadea sortuta gendun, Aritz izenekoa, Consejo de
Administración ta dena sortu zan, eskriturak eta denak eginak, pentsatu gendun,' guk orain
zer egin bear degu' ta olaxe jendeak atzera egin zun". 29
Ez zebiltzan hain oker Anaitasunakoak, 1976ko udazkenean, honoko hau
esatean: "euskal egunkariak , entzun dugunez, pot egin du, jaio orduko egin ere. Han eta
hemen esan zigutenaz baliaturik bagenekien oso aurrera zihoala asmo eta proiektu hori.
Baina nonbait haseran uste zen baino diru gehiago behar edo". Ez hain aurrera, ikusten
denez.
29 1992.eko Otsailaren 24an Zarautzko bere etxean neuk grabaturiko elkarrizketa. Santiago
Aizarna DVko kazetariaren ustez M. Oñatibia da egunkari-proiektu hari buruz gehien dakiena.
Eskerrak bioi.
175