Euskal prentsa herri proiektua da - Euskara

VI. Atala. katea ez da eten
dizkitzute ipiñi edo jarri gure aldizkingiak(...) ontarako ekarriko ditu ipuin edo edestixo
polit emankorrak, gertaera gogoragarriak, Misioetako berrixkak, gure erriko elizen eta
jazkeren berriak eta beoien iduriak". 197
Zeruko Argiak politika gaietatik urrun jokatu nahi izan zuen (Jaungoiko-Zalekoek
ez bezala gorago azaldu denez):"Gure Zeruko Argia osoro politika gabe iaio zan bezala,
beti bizitzea nai degu". 198 Eta zinez, momenturik nahasienetan ere, nahikoa urrundurik ibili
zen gaiotatik.
Kontutan hartzekoa da, dena dela, bai Buenabentura Oieregi "Arbelaitz" eta
Damaso Intza, fraideak izateaz aparte, Euskal Ikaskuntzako eta Euskaltzaindiako kide ere
izan zirela, Nafarroako Euskeraren Adiskideak elkartearen suspertzaile hain zuzen, zein
kontestu linguistiko- ideologikoan sortu ta aritzen den aldizkaria jakiteko. Baina, gerra
arte bederen, euskara erabiltzen zuen aldizkari erlijioso hutsa izan zen. Urteak aurrea,
bertan lan egiten zuten kazetariek, Euskal Prentsaren Urtea antolatu zuten eta, nire tesi
honen arabera, maila horretan eman zen gertakizunaren bidegile izan.
Argia (gerraurreko donostiarra) Gipuzkoan egiten zen aldizkari euskaldun bakarra
izan zen sorreran, 1921an. Garaiko euskaldun gipuzkoarrentzat bozeramalerik azkarrena
suertatu zen bere asterokotasunean. 199 Ez zen aldizkari erlijiosoa izan, nahiz eta izan zituen
sortzaile eta zuzendarien artean apaizak izan ugarienak: Bittor Gariaonaindia "Garbi"
josulaguna, Joseba Arrue apeza, Jesus Karrera josulaguna, Ramon Intzagarai "Elurmendi"
197 Ibid.
198 Zeruko Argia, 1923-XI.
199 Ikus Arzamendi, Arantxa, Gerraurreko Argia asterokoaren azterketa, Jakin, 1988, 49 zb., 123-
133 or.
344