Euskal prentsa herri proiektua da - Euskara

VI. Atala. katea ez da eten
Etxegaraik, beste bi bota zituen, erdaraz baina: "En pro de los derechos del
euskera" (El Día, 1930-IX-30) eta "La labor de la Sociedad de Estudios Vascos" (El Día, 1930-X-
9) oso zakar, nonbait Lizardi ere behin baino gehiagotan erdara erabilia zela etab.
Lizardik, apala gizona, onartu egin zuen errua beste batean baina ez dago batere
ados 'aurrera poliki" jotzearekin "euskara gehitzeko". 318
Hiru artikuluz -beti erdaraz- erantzun zion Etxegaraik: "Afianzamiento y
Reconquista", (El Día, 1930-X-23); "La labor de la SEV en sus Cursos de Verano" (El Día
,1930-X-28) eta "Hagamos lo que sea posible" (El Día, 1930-XI-12).
Aukera-aukeran gogorregi jo zuen Etxegaraik Lizardi eta honek:"...odol-berotxo,
bazternastalle, eztabaidakari alperrikako, arroxko ta artoberouxai omen naiz. Oietaz
gañera, buru-arlotea; andre Jakintza andre Kultura, askorik maite ez dutenetakoa, alegia."
azpimarratzen du polemika bere aldetik amaiatutzat emanez "Aitaren erreal bikoak" 319
artikuluan Lizardik belaunaldi arazoz hartzen du hika-mika. Halere, ez dago erabat ados.
"Gertatzen oi-da maiz-samar, aita-semeen artean, semeak aitari erreal bikoa eskatu, bai,
ta aitak ezezkoa ematea, ta gañera bereak eta bost esatea. Jakiña: orrek eztu esan nai
semea izpidean etzegoanik(...) Soil-soilik: aitak eztizula errealok eman nai". 320
Funtsean, eta Lizardi oharturik da, garai hartan kultura goi-jasoa eta herritarraren
arteko eztabaida gori-gorian zegoen. 321 Etxegaraik eragileak (Euskaltzaleak taldearen
318 "Elkar bidean", El Dìa,1930-X-16.
319 El Día,1930-XI-12.
320 Ibid.
321 Ikus Otaegi, L., eta Kortazar, J., in A.A. "Aitzol en su tiempo"., Sabino Arana Fundazioa, Bilbo,
1990.
381