Euskal prentsa herri proiektua da - Euskara

VI. Atala. katea ez da eten
Halere, Egunak ba du helburu periodistikorik :"Euzkerea erabilkatxa dala uste
dabenei arpegi emoten dautsegu eta gure aberekideei atsegin yakezan izperrak euzkeraz
bakarrik argi-argi era ziatz-ziatz emoteko ustietan agertuten gara...", nahiz eta laugarren
hilabetetatik aurrera, ezinbestez, gehiago izan teletipo-itzulpen eta gogoetazko kazetaritza,
berriemaile baino. 341
Usteak uste, ez dirudi ikaragarri saldu zuenik. Augustin Zubikarai ondarrutarra,
Egunaren zuzendariorde izanak, Agirreazkuenagari esandakoaren arabera 10.000 botatzen
zituen, nahiz eta Egunak bere orrialdeetan 20.000 botatzen zituela esan. Dena dela ez behar
beste, abertzale euskaldunen axolagabekeria lehen egunetatik salatzen bait da Eguna-n.
"Beti izparringi gustijak baño izpar geyago ta garranzitsuaguak ekarri arren be,
erdel izperringijak erosten dabez(...) nayago dabe erderaz (nahiz eta) gaur EGUNA'k beste
izparringi onenak lez edo obeto bere izparrak ipiñi lekez". 342
Erosle kopuruaren eskasiaz berehala hasi ziren euskaltzelak arduratzen.
Batzurentzat arrazoiak zabalkunde txarrean bilatu behar dira "Egunerokoa badegu, baño
beraren zabalkundea ¿bear añean egiten alda? auxen da nere uste txiroaz beintzat egiten
ez dena". 343
Beste zenbaientzat arrazoia euskaldunon axolagabekerian aurkitu behar da:
"Bilboko bazterretan ez dala aurkitzen euzkel-eguneroko ori? Non-nai, mutil, non-nai
daukagu salgai. Ez dala saltzen orixe da gertatzen dana (..) Atarrene, zeuk nai dezun
341 Ikus Agirreazkuenaga, Joseba, ob. aip.102 or. A. Zubikarairen esanak aipatuz.
342 B'tar B, Eguna eta euzkera, Eguna, 1937-I-10.
343 Atarrene, Eguna zabaldu, Eguna, 1937-I-6. Gauza berbera adierazten du Ixakak "Euzkeraz bai,
eta..Eguna?" artikuluan hilaren 18an.
388