Euskal prentsa herri proiektua da - Euskara

VII. Atala: euskaldunon egunkaria, ezezagunaren mintzoa
artean Argiako partaide eta euskarazko egunkariaren lehen zuzendaria (ESen inguruan
dabiltzan guztiekin) bestetik.
Jaurlaritzaren inguruko jendeak prekauzioa eta astiro joan beharra azpimarratzen du,
edozeren gainetik euskararen balizko porrota ekidin beharra. Arregik ETBko aipatu
programan bi ideia plazaratu zituen: goizegi izatearena eta porrotaren beldurrarena.
Ez zen batere orijinala izan, Mari Karmen Garmendiak Jon Basterra EGINeko
kazetariari egindako adierazpen berberak bait dira. Hauxe zioen Jaurlaritzako Euskara
Sustapenerako Zuzendari andereak: "Ni komentzituta nago goizegi dela.(...) eta nik benetan
esaten dizut, ez dut uste mereziko lukeenik frakaso bat bultzatzeak (...) Hemen, Eguna,
Zabalik oso esperientzia politak dira eta uste dut horrek baduela izateko arrazoia eta
gainera alderdi on asko dituela. Hortik beste salto bat emateko garaia ez dut uste iritsi
denik(...) Euskararen normalkuntzarako beharrezko eta desiragarri da euskarazko
eguneroko prentsa, baina euskarari kalterik egin gabe planteatu behar dugu eta posible
den eta nola porrotik egin gabe. Porrot finantziero bezala ez dit beldurrik ematen, arazoa
ez da dirua. Baina ateratzen badugu eta ez bada saltzen, ez bada irakurtzen eta itxi behar
baldin badugu hori euskararentzat jipoi izugarria litzateke" . 409
Beloki kazetariak, "egunkaria ikustera iritsi behar gara" (...) "merkatua atera
aurretik goitik behera diseinatu beharra" azpimarratzen du. Porrotaren beldurra ere badu
kazetari honek "Nik badaezpada prekauzio guztiak hartuko nituzke. Hasi eta ehun edo mila
ale saltzea gerta daiteke eta nik horren alde ez dut boturik emango".
409 Egin, 1989-X-9.
422