Euskal prentsa herri proiektua da - Euskara

VI. Atala. katea ez da eten
Eta oraindik beste hau:"Eztago ori lako izparringi apaiñik Euzkadi gustijan, eta
dena euskeraz. Arrotu gura bagenu, zegatija bauku". 151
Lehen fasean (1916-20) aldizkariak bere helburuak agertzen ditu, argi eta garbi:
"...eztau iñok esango aurpegija estaldu dogula". 152 Haratx helburu zehatza: "Geure erruz,
euzkotarren erruz, Euzkerea jausi zan eta bere ordez erderea leku artu eban...Okerra
ointxe ikusi dogu. Oindiño astirik dago...Baña eziña ezta. ¿Zer biar da? Ekin eta ekin; gura
ta gura. Ori da, ba, geure asmua. EUZKO DEYAren asmua. Euzkeraz ekin ta ekitia" . 153
Halere, aldizkaria kulturalak diren horietako sailekoa izan arren, helburua ez da
linguistikoa ez periodistikoa. Politikoa da bete-betean. "Euzkerea, baña, bidia baño ezta.
Bide zuzena, bide arteza bai, baña bidia. ¿Zertarako gura-dogu Euzkerea, Euzkadi iltzen
ba-da? EUZKO-DEYA'k Euzkerea'ri gogor ta gogoz ekingo dautso; baña Euzkerea
bidetzat baño eztau artuko. Jaun-Goikua eta Lagi-Zarra da geure buru ta nagosija. Bera
da geure guena, geure helburuba, ta geure Aberrijaren guen eta elburuba.....EUZKO-
DEYA, ba, Jel-aldez egiteko dator. Eztau ezek bide onetatik atarauko. Euzkera bidez, Jel-
aldez...Eta onetarako ezpalitz, ezkeuke izparringi au aritalduko".
Bigarren fasean (1921-23ra, 1920-VItik 1921-VIra ixilik egon ondoren) formato
aldatu eta beste itxura kaxkarragoa agertuarren, helburuak berdinak dira. Nazionalisten
arteko barne etenaren urradura-hotsak agertzen dituen honoko testu honetan, euskara ez da
abertzaletu ondorenerako uzten, baina abertzaletasuna erakusteko bidetzat jo ondoren,
berriro, lehentasun arazoa agertzen da: "Euzkera baño gorago Jeltzaletasuna jartzen dogu
151 Euzkadi,1916-VI-3.
152 JEL ALDEZ, Euzko Deya, 1916-II-15/1 zb.
153 Ibid.
322