Euskal prentsa herri proiektua da - Euskara

V. Atala: hasieran euskal prentsa izan zen
Enuntziazio edo nominazio hutsa. "Bien entendu comme le vide est indiscernable en
tant que terme (puisqu'il est pas-un), son advenue inaugurale est un pur acte de
nomination. Ce nom ne peut être spècifique, il ne peut ranger le vide sous quoi que ce soit
qui le subsume" . 85
Baina gertakizuna nominatzeko interbentzioa behar dugu, subjektuaren
interbentzioa. Apustua egin duen norbaiten interbentzioa, gorago aipatu denez. Gertakizuna
benetan eman dela ziurta dezakeen eta zabaltzen saiatzen den subjektuaren interbentzioa.
Ez hori bakarrik, espazioan zehar gertakizunaren ondorioak hedatzea ere bai. "L'essence de
l'intervention consiste, dans le champ ouvert par une hypothèse interprètative...á nommer
ce 'il y a' et à déployer les consequences de cette nomination dans l'espace de la situation".
86
Euskal Prentsaren kasuan euskara hutsean (bakarrik) aritzeko asmo eta nahia da
nominazioa: euskal prentsa euskaraz (bakarrik) egina dela adierazten duen erabaki
izendatua. Laburtuz, EUSKAL PRENTSA. Errealitatean debekatua dena baina hutsunetik
(zegoen ez-egontasunetik) ateratako euskal prentsa inauguratu nahia, nola izango den eta
juxtu jakin barik: euskaraz bakarrik. Euskaraz egiten duena bakarrik da euskal prentsa.
Baina, aldi berean, herri subirano baten proiektuarekin nola edo hala lotua dagoena da
euskal prentsa. Ez bait dago Euskal Herririk euskara barik.
Erreferentzi horiek gorderik, libre da hurrengo urrats guztiak ematea. Horregatik
1979an "gu bakarrik gara" diotenean ez da, xuxen, Zeruko Argia, Anaitasuna, Herria,
85 Ibid. 72 or.
86 Ibid. 225 or.
278