Rregullimi i Kopshteve

ëhet përsëri shkak për kalbëzimin e
mëtejshëm të drurit.
Mbushja e vrimave të kalbura mund të bëhet
edhe me blloqe prej druri të mbërthyer me
njëri-tjetrin. Boshllëqet midis blloqeve
mbushen me asfalt të shkrirë. Si të mbushet
vrima, mbyllja e saj mund të bëhet me copë
hekuri zinku ose bakri pjesa e sipërme e të
cilave duhet të lyhet me bojë vaji në ngjyrë
të përshtatshme me atë të drurit.
c. Pastrimi i drurëve e shkurreve të thata
ose të sëmura. Drurët e shkurret e thata ose
të sëmura prishin dekorimin e parqeve dhe
lulishteve dhe shpeshherë bëhen çerdhe
dëmtuesish ose insektesh të dëmshme për
drurët e shëndoshë. Drurët e shkurret e thara
dhe të sëmura njihen më mirë gjatë
vegjetacionit (kur janë me gjethe). Drurët e
tharë , në sipërfaqet e gjelbra, duhet të hiqen
menjëherë duke mos lënë as pjesët më të
vogla të tyre, ndërsa drurët e sëmurë në
varësi të shkallës së përhapjes dhe
infeksionit të sëmundjes ose duhet të hiqen
krejtësisht, ose duhet të merren masa
paraprake për shërimin e sëmundjes apo
parandalimin e saj duke kryer spërkatjen e
tyre me preparate helmuese të forta dhe me
veprim të shpejtë.
Spërkatja duhet të bëhet ne kohën kur drurët
dhe shkurret janë në qetësi (me rënien e
gjetheve dhe zbërthimin e sythave). Me
qëllim që preparatet kimike të mos dëmtojnë
pjesët vegjetative të drurëve e shkurreve,
spërkatja gjithmonë duhet të bëhet në kohë
shiu, preparatet kimike helmuese shpëlahen.
Rregullimi i Kopshteve
110
8. Mbjella e gjerdheve. Toka e gardhit të
gjallë duhet punuar dhe niveluar mirë. Poqe
se toka nuk është pjellore ajo duhet të
përmirësohet duke i hedhur simbas rastit 10-
30 cm, tokë pjellore. Piketohet vendi i
gardhit të gjallë simbas projektit dhe hapet
transheja. Gjerësia e transheve përcaktohet
prej radhëve që do të ketë gardhi i gjallë.
Kështu për gardh të gjallë me një radhë
fidanësh gjerësia duhet të jetë 0.5-0.6 m,
për 2 radhë fidanësh 0.8 m dhe për 3 radhë
deri 1 m. Kur toka është e keqe përmasat e
transhesë zmadhohen me 10-20 cm.
Kur fidanët janë të vogla, mbjellja e tyre në
gardh bëhet me ndihmën e kunjit. Mbjellja
në këtë rast bëhet prej dy punëtorëve: i pari
fut kunjin në tokë deri 35 cm thellësi dhe i
dyti fut në gropën e hapur fidanin. Pastaj
punëtori i parë hap me kunjin gropën e dytë
10-15 cm larg gropës së parë. Kur gardhi
krijohet me një radhë fidanësh,largësia midis
fidanëve lihet 20-25 cm, ndërsa kur krijohet
me dy e më shumë radhë, largësia midis tyre
lihet deri 30 cm dhe midis radhëve 30-40
cm.
Kur gardhi është me shumë radhë, fidanët
vendosen në formë shahu. Mbas mbjelljes,
ato duhet të vaditen vazhdimisht. Për muret
e gjelbra me rritje të lirë, fidanët mbillen në
gropa me përmasa 0,5 - 0,7 x 0.5 - 0.6 x 0.5
- 0.6 m; largësia midis gropave lihet 1-2
metra, ndërsa për ato të krasiturat 0.8-1
metër. Kur gardhi i gjallë krijohet me bimësi
kacavjerrëse, largësia nga fidanët deri tek
mbajtëset (druri apo metalike) duhet të jetë
25-30 cm, kurse vetë fidanët mbillen 35-40
cm larg njëri-tjetrit.