Rregullimi i Kopshteve

Për sipërfaqe të vogla ngjeshja mund të
bëhet me ndihmën e dy dërrasave të
lidhura në këmbët e lulishtarit. Dërrasat
janë me përmasa 25x40 cm. dhe nga ana e
poshtme e tyre duhet të jenë të lëmuara
me qëllim që të mos ngjitet balta në to.
Për sipërfaqe të mëdha, ngjeshja bëhet
me rul, njëra rrotë e të cilit (rrota me
gozhda) shërben për futjen e farave në
tokë, kurse tjetra (rrota e lëmuar) shërben
për ngjeshjen e tokës. Ky rul peshon 50-
80 kg. dhe me të ngjishet gjithë
sipërfaqja, kurse anët qe nuk i kap ruli
ngjishen me dërrasa. Ngjeshja e farës
bëhet me qëllim që të ruhet lagështira e
tokës e cila ndihmon në mbirjen e shpejtë
të farës.
Mbasi toka të jetë ngjeshur mirë fillon të
vaditet zakonisht ajo bëhet çdo ditë. Kur
koha është shumë e nxehtë, sidomos gjatë
verës, ajo bëhet dy herë në ditë, një herë
në mëngjes (deri në ora 10) dhe një herë
mbas dreke, (mbas orës 17). Para se të
bëhet kositja e parë, është mirë që bari të
ngjishet me rul të rëndë deri 80 kg. që të
formohet plis me bar me të dendur.
Mirëmbajtja e sipërfaqeve të barit dekorativ.
Me qëllim që sipërfaqet e gjelbra të mos
humbasin asnjëherë dekoracionin, një
rëndësi të madhe kanë masat që duhet të
merren për mirëmbajtjen e tyre si:
vaditja, kositja, plehërimi, rulimi; lufta
kundër barërave të këqija, përgatitja e
sipërfaqeve të barit për dimërim dhe
rikonstruksioni i sipërfaqes të barit.
Vaditja më e mirë është ajo me spërkatje,
me anën e së cilës uji bie në formë shiu.
Rregullimi i Kopshteve
120
Vaditja në afërsi të sipërfaqes së barit dhe
me ujë me presion është e dëmshme.
Vaditja konsiderohet e mirë atëherë kur
uji hyn në tokë deri në 10 cm. thellësi.
Në një stinë vegjetacioni për 1 m 2 sipërfaqe
bar, duhet rreth 1 m 3 ujë ose 800-1000 litra.
Vaditja e barit nuk kryhet njëlloj për
gjithë muajt e stinës së vegjetacionit por kjo
shpërndahet simbas nxehtësisë së çdo muaji.
Në një stinë vegjetacioni bëhen rreth 65-75
vaditje të ndara në këtë mënyrë:
Në maj 2-5 vaditje, në qershor 10-12, në
korrik 20, në gusht 25, në shtator 6 dhe në
tetor 2 vaditje. Sigurisht këto norma janë
relative mbasi vaditja e sipërfaqeve të barit
varet edhe nga reshjet që bien gjatë stinës së
vegjetacionit.
Me anën e kositjes bari mbahet gjithmonë si
qilim i gjelbër dhe nuk lejohet që të lidhë
farë e të mbarojë ciklin e zhvillimit të tij.
Kositja sidomos e barit të partereve,
rrotull elementëve arkitektonike e
figurave me lule, duhet të bëhet në kohën
e duhur. Pjesa më e madhe e barërave
dekorative kositet kur arrijnë lartësinë 12-
15 cm. Bari kositet me kosë ose me
makina korse speciale. Kositja me kosë
është me e mirë, sepse prej saj nuk
rrezikohet shkulja e barit nga rrënjët.
Më mirë është që kositja e barit të bëhet
herët në mëngjes kur bari është i freskët,
Bari i kositur, mblidhet në grumbuj dhe
pastaj duhet të hiqet menjëherë. Sipërfaqet
e barit që të mbahen mirë, duhet të kositen
6-8 herë në vit, duke pasë parasysh që
kositja e fundit të bëhet në atë periudhë