Rregullimi i Kopshteve

Gjatë ndërtimit të terreneve sportive
vëmendje e veçantë i duhet kushtuar
kanalizimit, furnizimit me ujë dhe energji
elektrike, shtresave rrugore etj.
Për gjelbërimin e terreneve sportive duhet
patur parasysh që:
drurët dhe shkurret përreth fushave
sportive të vendosen në atë mënyrë që
hija e tyre të mos bjerë në terrenin ku
luhet.
Të mos përdoren lloje të shumta
kulturash dekorative.
Të mos përdoren lloje pemësh që kanë
shumë fara dhe që i rrëzojnë gjethet
herët në vjeshtë.
Të mos përdoren bimë me aromë të
keqe dhe me gjemba si arrë hindi,
akacie etj.
Për rrethimin e terreneve sportive si
mjet mbrojtës të përdoren gjerësisht
shkurret dekorative e mundësisht ato
gjethe mbajtëset fletore ose halore si:
ligustra, tuja, dafina, tisi, selvia,
oleandra etj.
Gjelbërimi i varreve. Territori i varrezave
duhet të gjelbërohen ashtu sikurse të gjitha
sipërfaqet e gjelbra duke i dhënë formën e
një parku.
Madhësia e këtij territori llogaritet në bazë
të popullsisë së qendrave të banuara, duke
marrë rreth 4m2 sipërfaqe për banor.
Vendi i zgjedhur për varreza është i
përshtatshëm atëherë kur u përgjigjet këtyre
kërkesave:
a) terreni i varrezave duhet të ketë pjerrësi
të mjaftueshme për të mos penguar
rrjedhjen e ujërave të shiut.
b) Toka e varrezave të jetë e shkrifët dhe e
përshkueshme nga uji.
c) Ujërat nëntokësore nuk duhet të jenë më
pak se 2.5 metra poshtë nivelit të
terrenit.
d) Territori i varrezave duhet të jetë i
lidhur me rrugët kryesore e trafikun e
qytetit të qendrave të banuara. Ky
territor për vetë formën e rregullt të
parcelave duhet të kompozohet sipas
stilit gjeometrik.
Gjelbërimi i parkut të varrezave është detyrë
delikate dhe e vështirë. Kështu në territorin e
varrezave do të shkonte të përdoreshin
kurorat vajtuese të drurëve e shkurreve
dekorative si: shelgu vajtues, veriu, sofra
dhe format vajtuese të drurëve të tjerë ato që
me kurorën dhe ngjyrën e errët të tyre,
ndikojnë në keqësimin e gjendjes shpirtërore
të njeriut ose si: bredhi, selvia, pyramidalis,
plepi kavak, etj si edhe llojet e bimësisë
dekorative me aromë të keqe ose me aromë
të këndshme por të fortë dhe mbytëse.
Gjatë gjelbërimit të territorit të varrezave
duhet të kemi parasysh edhe ngjyrat e luleve
të bimësisë dekorative. Kështu nuk është i
përshtatshëm përdorimi i llojeve të drurëve,
shkurreve e luleve me ngjyra shumë të
ngrohta ose shumë të ftohta, sepse këto
ngjyra veprojnë në mënyrë shqetësuese në
psikologjinë e njerëzve. Prandaj si më të
përshtatshme janë bimët me ngjyra neutrale,
krem e bardhe e gri etj si dhe nuancat e
çelëta të 6 ngjyrave të spektrit diellor.