Rregullimi i Kopshteve

Gjelbërimi me masivë drurësh e shkurresh
dekorativë, ndihmon për maskimin e
pamjeve të këqija te terrenit, për izolimin e
objekteve të ndryshëm që ndodhen në
territorin e parkut të cilat kanë nevojë për
qetësi ose akustikë për ndërprerjen e
monotonisë në lëndinën e një parku.
Në ndërtimin e sipërfaqeve të gjelbra njihen
3 lloje masivësh: masivë të mëdhenj pyjorë,
masivë të pastër natyrorë (azhure) dhe
masivë parku.
Masivët e mëdhenj pyjorë, janë elementët
me karakteristikë të parqeve pyjore që
përfaqësojnë sipërfaqe të mëdha të
gjelbëruara me drurë të mëdhenj dhe të
moshuar. Bukuria e tyre varet nga përbërja e
tyre nga lartësia e drurëve dhe vendndodhja
e tyre dhe nga vetë natyra e ambientit
rrethues. Në këta masivë rol të rëndësishëm
luan lloji i drurit kryesor që i përbën i cili
është tregues që dikton kushtet e rritjes për
të gjitha llojet e tjera që hyjnë në përbërjen e
masivit dhe për gjithë tjetër poshtë tij (nën
pyllin).
Në mbështetje të kushteve klimaterike të
vendit tonë llojet më kryesore të drurëve që
mund të përdoren për të krijuar masivë të
tillë janë:
Nga drurët halorë pishat në përgjithësi
bredhat, cedruset e selvitë.
Nga drurët fletorë lisat,ahu, rrapi,
panjat,frashëri, gështenja, plepi (me
përjashtim të kavakut) mështekna, bliri etj.
Në përbërjen e këtyre masivëve rëndësi ka
se cilët mund të jenë shoqëruesit e drurit
Rregullimi i Kopshteve
55
kryesor që përbën masivin dhe kush mund të
përdoret si nën pyll.
Për këtë mund të rekomandojmë:
Masivë prej pishe të zezë. Në këto masivë
si lloje të tjera shoqëruese mund të përdoren,
bredhi, ahu, mështekna, lisi, trepetlika, bliri
panja etj dhe si nën pyll do të shkonte mirë
lajthia dhe papratet. Këto masivë krijohen në
sipërfaqet e gjelbra të zonave malore nga
600-1500 metër mbi nivelin e detit.
Masivë prej pishe të butë. Janë të
përshtatshme për zonat e ultë dhe bregdetare
të vendit deri në 1000 metër mbi nivelin e
detit. Si shoqëruese të këtyre masivëve
mund të përdoret plepi (kanadez dhe i
bardhë) frashëri,panja negundo, rrapi etj dhe
si nënpyllmersina, dëllinjë, e një pjesë e
mirë e shkurreve mesdhetare.
Masivë prej bredhi. Edhe këta krijohen në
zonat e larta malore nga 900-1600 metër
mbi nivelin e detit. Si shoqëruese në këta
masivë mund të përdoren pishta e zonave
malore, ahu , mështekna trepetlika etj.
Masivë prej cedrusi e selvie. Mund të
përdoren në zonat e ultë, bregdetare dhe të
ngrohta të vendit deri ne 600 metër mbi
nivelin e detit. Më këto dhe me llojet e tjera
të bimësisë dhe nën pyll mund te përdoret
me shumë sukses e bimësisë mesdhetare.
Masivë prej dushku. Më të bukur janë ata
masivë që formohen nga rrënja, bunga, qarri
etj deri 1000 metër mbi nivelin e detit.
Masivë të bukur krijohen edhe me Quereus
aegilops, (vallanidh), quereus, sidomos në
zonat bregdetare. Si qetësues për këtë masiv