Rregullimi i Kopshteve

gropa. Këto gropa sapo të shihen duhet
menjëherë të pastrohen e të mbushen derisa
të fitohet niveli i parë. Ky proces pune quhet
remont i sistemit rrugor në sipërfaqet e
gjelbra.
Ndërtimi i sipërfaqeve ujore.
Në përgjithësi sipërfaqet ujore parashikohen
në pjesët më të ulëta të terrenit, por nuk
përjashtohen rastet kur ato ndërtohen edhe
në pjesët më të larta të tij, bile në këto raste
mund të krijohet një sistem i tërë sipërfaqesh
ujore, mjafton që të mbahen parasysh
veçorit ë specifike të terrenit.
Në sipërfaqet e gjelbra, për ekonomizimin e
ujit (kur ky është i pijshëm) fontanet e
shatervaneve ndërtohen me qarkullimin e të
njëjtës sasi uji. Në këto raste, meqenëse ujët
kalon me presion në elektropompa dhe tuba,
ai duhet të jetë i pastër dhe të mos përmbajë
substanca të dëmshme kimike, të cilat duhet
të prishin gjithë sistemin mekanik. Kështu
baseni i shatervanit shërben si rezervuar,
ujët në të thithet nga elektropompa dhe
mbasi përcillet prej saj me presion, ngjitet në
lartësinë e duhur dhe bie përsëri në basen.
Niveli i ujit në basene nuk duhet të jetë më i
lartë se niveli i terrenit, sepse në rast të
kundërt ai mund të shkaktojë njolla në
suvatimin e tyre. Për hidroizolimin e tyre , i
cili ka rëndësi të madhe, veprohet kështu:
mbasi të jetë krijuar shtrati i basenit, ai
ndahet në katërkëndësh zakonisht 4 me 2 m.
krijimi i një rrjete kuadratike të tillë bëhet
me qëllim që të mos çahet shtresa
hidroizoluese. Mbas kësaj hidhet shtresa e
parë prej betoni, mbi të shtohen 1-2 shtresa
letër katramat ose bitum, pastaj vendoset
Rregullimi i Kopshteve
98
shtresa tjetër prej betoni edhe kjo e ndarë në
katërkëndësha. Mbi të vendoset shtresa e
fundit e betonit e cila mund të jetë luster
çimento, mozaike, pllaka mozaike,
qeramikë, mermer, material artificial etj.
Liqenet artificial në forma të lira natyrore,
hidroizolohen zakonisht me shtresa argjile të
ngjeshura mirë,ose me beton, kur kanë
sipërfaqe të vogël. Lidhja midis sipërfaqes
së ujit dhe asaj të barit konsiderohet si më e
mirë atëherë kur midis tyre nuk bëhet asnjë
farë kornize ose rrethimi. Në liqenet
peisazhiste kjo arrihet nëpërmjet
hidroizolimit të brigjeve të tyre me argjilë të
ngjeshur mirë. Ndërsa në basenet e vogla
gjeometrike arrihet nëpërmjet formimit të
kornizës me plloça guri natyrore gjatë
bregut, të cilat të kombinuar mirë me bimësi
dekorative sidomos shkurre, lule e fuga
natyrore e bëjnë basenin më të gjallë
Mirëmbajtja e sipërfaqeve ujore
Sipërfaqet ujore duke qenë se ndodhen nën
veprimin e vazhdueshëm të fenomeneve të
natyrës dhe të ujit ato kanë nevojë për
mirëmbajtje të herëpashershme.
Kështu prej personelit të ndërmarrjeve
komunale që merren me mirëmbajtjen e
këtyre veprave duhet të tregohet kujdes i
vazhdueshëm për pastrimin e sipërfaqeve
ujore nga papastërtitë, pluhurat, gjethet,
myshqet etj, dhe në rast se shkalla e
papastërtive është e madhe, atëherë duhet të
bëhet ndërrimi i ujit dhe pastrimi i fundit
dhe i brigjeve të këtyre veprave. Ata, duhet
të kontrollojnë vazhdimisht gjendjen e
sistemit të kanalizimeve, të ndriçimit, e të
sistemit të pompave (në qoftë se ka)dhe të