Rregullimi i Kopshteve

ëjnë riparimet e nevojshme. Në rajonet e
vendit me klimë të ftohtë ku si rezultat i
ngrirjes gjatë dimrit rrezikohet tubi i
furnizimit të tyre me ujë, është e nevojshme
qe të përgatiten mbrojtëse të veçanta të
mbushura me bar ose kashtë.
Mirëmbajtja e këtyre veprave në përgjithësi
duhet të kryhet në dy drejtime:
a)në masat që duhen marrë për mirëmbajtjen
e pjesëve të dëmtuara, të instalimeve të ujit
dhe të ndriçimit, të mbajtjes së ujit
gjithmonë në gjendje të pastër, dhe në
mirëmbajtjen e vazhdueshme të elementeve
arkitektonike-skulpturore që ndodhen rreth
këtyre veprave.
b) Në masat që duhen marrë për
mirëmbajtjen e florës dhe të faunës
dekorative që ndodhet në këto vepra. Për t’u
mbrojtur nga ngricat e dimrit, rrënjët e disa
bimëve dekorative si: peonia, magnolia,
hydrangea, jasminum, etj. Duhet të
mbulohen me bar ose kashtë, ndërsa për
trëndafilat të mbulohet qafa e rrënjës së tyre
me dhe, duke lënë 4-5 sythë të degëzimeve
të vjetra.
Për faunën dekorative duhet treguar
gjithashtu kujdes i madh, duke siguruar me
kohë vendstrehimin, dhe ushqimin e tyre për
stinën e dimrit, ndërsa për peshqit
dekorativë në zonat e ftohta, ku uji ngrin në
thellësi të mëdha, duhet qe akulli
vazhdimisht të thyhet në disa vende dhe në
të çarat e krijuara të hidhet ushqimi i duhur.
Rregullimi i Kopshteve
2.12. Teknikat e mbjelljes dhe
mirëmbajtjes së drurëve, shkurreve,
luleve e barit dekorativ
99
1. Koha e përshtatshme për mbjellje. Që
të ndërtohet një sipërfaqe e gjelbër është e
nevojshme të dihet koha më e përshtatshme
për mbjelljen e bimësisë dekorative. Drurët
dhe shkurret zakonisht mbillen vetëm gjatë
periudhës që janë në qetësi, pikërisht atëherë
kur proceset jetësore të tyre zvogëlohen në
minimum. Për drurët fletorë kjo periudhë
fillon në vjeshtë me rënien e gjetheve
(zakonisht në gjysmën e dytë të muajit tetor
dhe në nëntor) dhe vazhdon deri në pranverë
kur fillojnë të dalin sythët (në mars).
Nuk lejohet në asnjë mënyrë që të bëhen
mbjellje kur ka ngrica të forta. Në ato rajone
si në Shqipërinë Jugore e bregdetare ku të
ftohtit fillon shumë vonë dhe dimri në
përgjithësi është më i butë, rekomandohet që
mbjelljet të bëhen gjithmonë në stinën e
vjeshtës, meqenëse gjatë vjeshtës, rrënjët e
drurëve e të shkurreve e mbarojnë zhvillimin
e tyre më vonë se sa pjesët e mbitokësore,
rrënjëzohen në vendin e ri të mbjelljes qysh
atë vjeshtë dhe gjatë pranverës së vitit të
ardhshëm, fillojnë të zhvillohen normalisht.
Si periudhë më e përshtatshme për mbjelljen
e drurëve halorë rekomandohet koha kur tek
ata ka mbaruar rritja e filizave, që fillon nga
mesi i muajit gusht deri në fund të shtatorit,
ndërsa në rajonet e ngrohta mund të
vazhdoje deri në mes të tetorit. Në rast se
mbjellja e tyre do të kryhet më vonë atëherë,
ata nuk do të mund të rrënjëzohet lehtë dhe
si rezultat mund të dështojnë.