Rregullimi i Kopshteve

Përgatitja e vendit për mbjelljen e luleve.
Për rritjen e mirë dhe normale të luleve, në
sipërfaqet e gjelbra rëndësi të madhe ka
përgatitja e tokës ku ato do të mbillen.
Toka duhet të plehërohet mirë me pleh
organik të dekompozuar dhe pastaj të
punohet. Punimi i saj duhet të bëhet 30-40
cm, duke thyer plisat dhe duke e pastruar
prej mbeturinave të gurëve, tullave,
kleçkave. etj.
Në rast se do të mbjellim lule në forma
katërkëndëshi atëherë veprojmë kështu:
Merret një spango, e cila shtrëngohet nga te
dyja anët sipas gjatësisë se katërkëndëshit,
ku me piketa të ngulura është përcaktuar
gjerësia e tij. Me krehër nivelohet toka e
punuar, me qëllim që ajo të jetë 5-7 cm,
më e lartë se masivi i barit.
Mbas kësaj vizatohen në tokë vijat
(rreshtat) e luleve që do të mbillen, edhe
kjo bëhet me spango të shtrënguar nga të
dyja anët në piketa. Largësia midis
rreshtave dhe luleve varet nga lloji i lules
që do të mbillet dhe nga kërkesat e tyre.
Mbas kësaj fillohet nga mbjellja;
Në të njëjtën mënyrë veprohet edhe kur lulet
do te mbillen në formë rrethi. Kështu mbasi
përcaktohet qendra e rrethit, merren dy
piketa të cilat lidhen me spango, Njëra prej
tyre vendoset në qendër të rrethit dhe
ngulet në tokë e palëvizur, ndërsa me
piketën tjetër vizatohet rrethi (fig.
80).Toka ku do të mbillen lulet duhet
gjithmonë të ketë lagështirën e duhur.
Rregullimi i Kopshteve
114
Zgjedhja e materialit mbjellës të luleve.
Mbjellja e luleve në sipërfaqet e gjelbra
bëhet në bazë të një projektplani, në të
cilin është shënuar vendi i mbjelljes për
te gjitha llojet e luleve që parashikohet
të mbillen, duke pasur parasysh ngjyrën,
lartësinë dhe kohën e lulëzimit të tyre.
Mbasi të jetë bërë kjo atëherë fillohet nga
zgjedhja e materialit mbjellës te luleve.
Fidanët e luleve duhet të jenë të formuara,
të shëndetshme, dhe të kenë sistem
rrënjor të zhvilluar mirë. Disa orë para
mbjelljes, fidanët duhet të vaditen mirë me
qëllim që të mos u bjerë dheu nga
rrënjët.
Në varësi të jetës së tyre lulet ndahen në
këto grupe:
a) Njëvjeçare shumëzohen me anën e farës,
zhvillohen dhe japin lule brenda vitit dhe në
vjeshtë zakonisht nga fundi i nëntorit kur
bien ngricat e para, ato thahen (Salvia,
Gomfrena, Tagëtës. Ageratum, Petunia
etje.)
b)Dyvjeçare më mirë shumëzohen me farë,
rriten, zhvillohen dhe lulëzojnë me shumicë
gjatë vitit të dytë, pastaj thahen. Dimërojnë
shumë mirë jashtë.
c)Shumevjeçare ndryshojnë prej dy
grupeve të para, sepse, në klimën e vendit
tone jetojnë shumë vjet në të njëjtin vend.
Çdo pranverë prej rrënjëve të tyre dalin
pjesë të mbitokshme (gjethe, degë, lule) që
japin farë dhe që pastaj thahen. Kështu ato
dimërojnë jashtë në natyrë dhe në