Rregullimi i Kopshteve

trungu 11,42 metra. Më i vjetri është Pinus
longaeva që ka 4700 vjet.
Gjethet.
Gjethet e shumicës së konifereve janë të
gjata dhe të holla, spinoze, por disa kanë
edhe forma të sheshta dhe trekëndore. Disa
sidomos ato të familjeve Araucariaceae e
Podocarpaceae kanë gjethe të gjera. Në
shumicën e rasteve gjethet janë të vendosura
në spirale përveç atyre të familjes
Cupressaceae dhe një lloj Podocarpaceae
(Nageia), ku janë të vendosura në rrathë me
3-4 gjethe. Në shumë specie me gjethe të
vendosura n spirale baza e gjethes është e
rrotulluar për të prezantuar gjethet në një
plan të vetëm horizontal në mënyrë që të
maksimizojnë thithjen e dritës diellore.
Gojëzat e gjetheve janë në linja mbi gjethe
dhe mund të hapen ose të mbyllen nëse është
ftohtë ose shumë vapë. Gjethet janë me
ngjyrë të gjelbër të errët për të thithur në
maksimum energjinë diellore. Koniferet e
zonave të ngrohta me shumë rrezatim diellor
si psh (Pinus brutia), shpesh kanë gjethe me
ngjyrë të gjelbër të shkëlqyer, ndërsa të tjera
si psh (Picea pungens) kanë një mbulesë hiri
që të reflektojnë ngjyrën ultravioletë. Në
pjesën më të madhe të konifereve ato janë
gjithmonë të gjelbra dhe gjethet mund të
qëndrojnë shumë vite në bimë por tre lloje;
Larix, Taxodium e Metasequoia i humbin
gjethet në vjeshtë duke qëndruar të zbuluara
gjatë dimrit. Në disa lloje gjethet rinore janë
të ndryshme nga ato kur bima është e rritur.
Riprodhimi.
Koniferet zakonisht janë bimë monoike, por
disa janë sottodioike ose dioike. Farat e
Rregullimi i Kopshteve
155
konifereve zhvillohen në një qese të
mbrojtur që quhet strobilo. Strobilet duan
nga katër muaj deri në tre vjet për të arritur
pjekurinë dhe janë 2mm deri 600 mm të
gjatë.
Në disa raste si tek lloji Cedrus e Abies,
qesja disintegrohet, në disa të tjerë hapet e
në disa raste hapet vetëm për të lëshuar
farat. Qeset mashkullore kanë disa struktura
që quhen mikrosporange që prodhojnë një
polen të verdhë. Ai lëshohet dhe
transportohet nga era drejt koneve femërore.
Granulat e polenit të pinofiteve aktuale
prodhojnë tuba si të angiospermave. Kur
poleni arrin atë femëror, e fekondon. Aty
zhvillohet një embrion e që jep një farë
bime. Pasi fara bie në tokë dhe nëse kushtet
janë të favorshme formohet një bimë e re.
Karakteristika të tjera.
Megjithëse numri i specieve është i vogël
koniferet janë me shumë rëndësi ekologjike;
janë bimë që dominojnë në zona të gjera
sidomos pyjet borealë në hemisferën
qendrore, por edhe në klima malore të
zonave meridionale. Shumë konifere
prodhojnë rrëshira aromatike që i përdorin
për tu mbrojtur nga insektet dhe kërpudhat.