Rregullimi i Kopshteve

Është e domosdoshme që territori i parqeve
publike të mos përshkohet nga rrugë të
trafikut automobilistik.
Sheshe lojërash dhe parqe për fëmijë.
Sheshe lojërash quhen ato që janë të pajisura
me lojëra për fëmijë si: lisharëse, tundëse,
gropa rëre, trare ekuilibri, rrotullueset etj.
Këto parashikohen në të gjitha parqet,
lulishtet, dhe hapësirat midis blloqeve të
banimit në qytete. Sipërfaqja e tyre duhet të
parashikohet në atë mënyrë që çdo fëmije ti
takojë 10 m 2 e nevojshme është gjithashtu
që sheshet e lojërave për fëmijë të
organizohen në çdo 250 metra, largësi nga
njëri tjetri, të jenë larg rrugëve
automobilistike e bulevardeve dhe të
izoluara me bimësi të dendur.
Parqet e lojërave janë veçanërisht të
domosdoshme në pjesët qendrore të qyteteve
të cilat paraqiten me popullsi të dendur.
Parqet për fëmijë duhet të organizohen në
afërsi të pallateve ose shtëpive të pushimit.
Këto përfaqësojnë territore të gjelbëruara me
qëllim: për lojëra, argëtim, aktivitete
sportive etj.
Vendi i zgjedhur për park fëmijësh duhet të
ketë mesatarisht një sipërfaqe deri 5 ha, e
cila zakonisht ndahet në këtë mënyrë:
ndërtesa 5 %
sheshe lojërash 20 %
sektori mësim dhe edukim 5 %
sheshe shkollore 5 %rrugë e rrugica 7 %
sektori i fiskulturës (basene, pishina,
dushe etj) 3 %
Rregullimi i Kopshteve
sipërfaqe e gjelbëruar 55 %
81
për gjelbërimin e territorit të këtyre parqeve
me drurë, shkurre. Lule e bar dekorativ
duhet të zgjidhen lloje të përshtatshme të
bimësisë dekorative, duke mos përdorur
asnjëherë llojet e bimësisë me gjemba ose
ato helmuese.
Gjatë krijimit të parqeve për fëmijë duhet të
kemi parasysh për tu vendosur edhe
elementët arkitektonikë të cilat paraqesin
interesim nga fëmijët si psh: kasollet e
vogla, shkallë druri, e në mënyrë të veçantë
zbukurime me skulptura si vazo dekorative,
stola, ndriçues dekorativë të përshtatshëm
etj.
Kompozimi arkitektonik i parqeve të
fëmijëve duhet të jetë i qartë dhe orientativ
për fëmijët. Për këtë qëllim më i
përshtatshëm do të ishte përdorimi i stilit të
kombinuar. Parqet e fëmijëve duhet të
izolohen nga qytetet, nëpërmjet masivëve të
gjelbëruar.
Lulishtet. Lulishte quhen ato territore të
gjelbëruara me sipërfaqe më të vogël se sa
parqet 0.3-0.5 ha. Shërbejnë për një pushim
më të shkurtër të punëtorëve apo studentëve.
Lulishtet mund të jenë të shpërndara në
territorin e qyteteve, mund të bëhen vetëm
për formimin arkitektonik të shesheve
qendrore ose për të orientuar lëvizjen e
kalimtarëve dhe të trafikut të qyteteve.
Pikërisht në varësi të këtyre ato mund ti
ndajmë në tre grupe kryesore:
a) lulishte në sheshet kryesore të qyteteve
si psh lulishtja në qendër te Tiranës.