Rregullimi i Kopshteve

pranverën e ardhshme fillojnë prapë të
zhvillohen.
Me lulëzimin e gjatë e të shumtë, me
ngjyrat e ndryshme të luleve të tyre, me
format e bukura të gjetheve, ato
përfaqësojnë një element të rëndësishëm për
zbukurimin e sipërfaqeve të gjelbra.
Në këtë grup përfshihen gjithashtu lulet
qepujka tuberoze, si: Lilium, Gladiola, Iris,
Narcis, Tulipan, Crocus; Dahlia, Fritillaria,
etj. Në këto lule përmendim edhe disa lloje
lulesh të tjera qepujkore, të cilat nuk
dimërojnë jashtë, por mbillen çdo pranverë,
lulëzojnë gjatë verës, dhe në vjeshtë
qepujkat dhe rizomat e tyre nxirren prej
tokës, stratifikohen gjatë dimrit dhe mbillen
përsëri. Këtu hyjnë Begonia tuberhybrida,
Giacinthus amethystinus etj.
Që të mund të ruhet zbukurimi me lule në
sipërfaqet e gjelbra prej fillimit të
pranverës e deri vonë në vjeshtë, lulet
zakonisht mbillen ne dy etapa:
Në vjeshtë mbillen pas ngricave të para.
Kjo periudhë zakonisht fillon nga fillimi ose
mesi i muajit nëntor (simbas zonave). Në
këtë kohë mbillen lulet dimërore (viola,
margarita, silene, myozotis, floks etj.).
Në pranverë mbillen mbasi të ketë kaluar
rreziku i ngricave të pranverës, periudhë
kjo që fillon nga fundi i muajit prill deri
nga mesi i muajit maj. Në këtë kohë
mbillen lulet verore (salvia, petunia, tagetes,
ageratum, dalia, xinia, gomfrena etj.), Lulet
e verës të caktuara për mbjelljen e
parcelave të drejta, rreshtohen simbas
brazdave të hequra në parcela duke filluar
Rregullimi i Kopshteve
115
prej rreshtave të mesit të parcelës e deri tek
ato të anës. Këto vendosen në largësi të
caktuar, në mes te lartat dhe anash të
ulëtat. Lulet vendosen në formë shahu.
Mbas mbjelljes, lulet duhen vaditur mirë.
Vaditja kryhet me kovë të pajisur me dush,
ndërsa kur lulet mbillen në parcela të
mëdha, vaditja e tyre kryhet me zorrë
(markuç). Punëtori që vadit lulet e
porsambjella, kovën dhe zorrën duhet t'i
mbajë afër luleve me qëllim që ujët të bjerë
me ngadalë, toka të ngopet mirë dhe të
mos rrezikohet nxjerrja jashtë rrënjëve
të fidanit.
Mbjellja e luleve verore në figura
gjeometrike ose qilima, në partere, mozaike,
thurëse etj., kryhet mbasi të jetë vizatuar në
terren vetë figura. Në fillim mbillen lulet që
tregojnë konturet e jashtme të figurës
gjeometrike, pastaj ato në këndet e
figurës dhe së fundi lulet e mesit të
figurës.
Mbjellja e luleve në figura rrethore bëhet
duke filluar prej mesit të figurës, ku
simbas projektit mund të jetë parashikuar
vendosja e një palme, agave, juke, dracene
etj. e deri tek mbushja e figurave që
kufizohet me lulet e bordurave. Këto lule
duhet të jenë të së njëjtës madhësi dhe të
vendosen në rreshta simbas formës së
figurës. Largësia midis tyre dhe vetë
rreshtave përcaktohet nga lloji i lules që
mbillet. Kështu p.sh. Santolina, Lobeh'a,
Alternanthera, Antenaria etj. mbillen në
largësi 5-6 cm. larg njëra-tjetrës.