Rregullimi i Kopshteve

peizazhin e parqeve të mëdha. Zakonisht
vendosen në afërsi të rrugëve të parkut që
kanë një frekuentim intensiv. Mund të
ndërtohen prej guri, betoni, drudi, materiale
artificiale, etj.
Tarracat- janë të përdorshme si për
sipërfaqet e gjelbra gjeometrike, ashtu edhe
për ato peisazhistike. Ndërsa në të parat ato
formojnë figura të rregullta gjeometrike dhe
të zbukuruara, vazo, skulptura të
mbështetura në muret dekorative mbajtëse,
në të dytat ato paraqiten natyrore me forma
të çrregullta duke ndjekur konfiguracionin e
terrenit.
Shkallët- lidhja midis tarracave e në
përgjithësi midis dy niveleve realizohet
nëpërmjet shkallëve, të cilat në parqet e stilit
gjeometrik janë në forma të rregullta, ndërsa
në ato peisazhiste janë me forma më të lira
dhe ndërpriten midis tyre me sheshe
pushimi.
Shkallët në sipërfaqet e gjelbra pavarësisht
kujt stili i përkasin duhet të jenë 30-45 cm të
gjera dhe rreth 12-15 cm të larta me qëllim
që tu sigurojnë kalimtarëve ngjitje e zbritje
të rehatshme. Shkallët mund të ndërtohen
prej guri, betoni, druri etj.
Pjergullat- ngrihen në kolona druri , guri,
ose betoni me lartësi 2.5-2.8 m mbi ta cilat
lart janë të lidhura me trarë druri ose skarë
metali. Në kompozimin e parqeve ato gjejnë
zbatim kudo ku del i nevojshëm krijimi i një
barrikade ndarëse midis dy hapësirave.
Pamja e tyre plotësohet kur ato janë të
gjelbëruara me bimësi dekorative
kacavjerrëse.
Rregullimi i Kopshteve
44
Qoshka- është 2.5-2.8 m e lartë me formë
rrethore ose shumëkëndëshe. Zakonisht
vendoset në pikat më të larta të terrenit dhe
mund të ndërtohet me kolona druri, guri,
betoni metali etj të mbuluara me tjegulla,
pllaka guri, materiale sintetike me ngjyra,
ose kashtë thekre. Qoshka me efekt të madh
dekorativ janë ato me materiale druri të
papërpunuar si ato prej mështekne pishe,lisi,
akacie etj. Ato pjesërisht gjelbërohen edhe
me bimësi dekorative kacavjerrëse.
Tunele të gjelbëruara- janë konstruksione
metalike ose druri me formë harkore ose
katrore të gjelbëruara dendur me bimësi
dekorative kacavjerrëse që i ngjajnë një
tuneli. Lartësia e tyre nuk duhet të shkojë
më shumë se 2.8-3 metra.
Stolat- përfshihen në të ashtuquajturën
mobilim të sipërfaqeve të gjelbra ku futen
edhe tavolinat, tabelat treguese, koshat e
plehrave etj.
Stolat mund të jenë me forma të ndryshme
me lartësi jo më shumë se 85-95 cm,
ndenjëse të gjerë 45-55 cm e të lartë 35-40
cm. Mund të jenë prej guri, betoni, metali, të
kombinuara, prej druri ose me materiale
plastike dhe me ngjyra të ndryshme të
harmonizuara me ambientin e vendit ku janë
vendosur.
Vend vendosja e tyre duhet të ketë hije gjatë
verës dhe diell në pranverë e në dimër. Kjo
mund të arrihet nëpërmjet gjelbërimit. Stolat
duhet të jenë të zhvendosura jashtë vijës së
rrugës që të mos pengohet lëvizja e njerëzve,
të vendosen në vendet ku sigurohen pamje
tërheqëse peizazhi.