İnklüziv sinifl ərdə əlilliyi olan uşaqların təhsili

İnklüziv siniflərdə əlilliyi olan uşaqların təhsili 41
♦ Diabet xəstəliyi ilə əlaqədar göz xəstəlikləri bir çox ölkələrdə
görmənin pozulmasının əsas səbəbidir. Diabet retinopatiya, qlaukoma
və katarakt (diabetlə bağlı əsas görmə pozuntusu) kimi göz
xəstəliklərini yarada bilər.
♦ Qlaukoma – gözün həssas bölgəsindən məlumatları birbaşa beynə
ötürən (tor qişa) yüksək gözdaxili təzyiq nəticəsində göz sinirinin
zədələnməsidir. Bu xəstəlik nəticəsində xəstənin görmə sahəsi
tədricən daralır. Gözün normal fəaliyyət göstərməsi üçün müəyyən
təzyiqi olmalıdır. Göz təzyiqi yüksək olan uşaqlarda gur işıqdan və
yaxud günəş işiğından narahatlıq yarana bilər və gözləri digərlərindən
böyük ola bilər. Bu cür uşaqlarda çəpgözlük (gözlərin fərqli
tərəfə baxması), “təmbəl” gözlük (bir gözü digərindən zəif) və gözün
sulanması müşahidə olunur.
♦ Onkoserkoz və ya “çay korluğu” bir çox sahilətrafı ərazilərdə
yaşayan milçəklər vasitəsi ilə ötürülür. Gözdəki zədələrə gözün bütün
daxili toxumalarında rast gəlinir, gözdə iltihablaşma, qanaxma
və digər ağırlaşmalara səbəb olur və nəticə etibarlı ilə korluğa gətirib
çıxarır. Zərərçəkənlərin 99%-i Afrikada, qalan 1%-i Yəmən,
Meksika, Qvatemala, Ekvador, Kolumbiya, Venesuella və Braziliyada
yaşayır.
♦ Refraksiya pozuntuları astiqmatizm olan və olmayan miyopiya
(yaxındagörmənin zəifliyi) və hiperopiyanı (uzaqdangörmənin zəifliyi)
ehtiva edir.
♦ Piqmentli retinit (PR) – torlu qişanın irsi xəstəliyidir. Bu xəstəliyin
ilkin əlaməti erkən yaşlarda hər iki göz zədələnərkən aşkar olunur.
Gecə görməsi zəifləyə, görmə dairəsi darala bilər. Daha gec stadiyalarda
kiçik həcmli görmə dairəsi və periferik zəif görmə qalır. PR
xəstəliyi qohum evliliyi adət olan mədəniyyət və ölkələrdə daha çox
müşahidə olunur.
♦ Traxoma xəstə gözün seliyi (dəsmal, burun yaylığı, barmaq və s.) ilə
təmasdan və milçəklərdə olan mikroorqanizmlər vasitəsi ilə yoluxur.
Yoluxma bir neçə il təkrarlanırsa, göz qapağı elə zədələnə bilər ki,
o tərsinə çevrilə bilər və kipriklər göz almasına bataraq göz bəbəyini
daha ağır zədələyə bilər və nəticədə korluğa qətirib çixarar.