Euskal Literatura IV

Aur-eskolak egiñik, Larrea'n jantzi zuen A. Florenzio'k karmeldar
jantzia 1888-7-28'an. Ondoren Begoña'n eta Iruña'n Filosofia
ta Teolojia ikasi ta Iruña'n bertan artu zuen apalzgoa,
1907-6-12'an. Gero, ogei ta bi urtetan, izlari ibilli zitzaigun
Bizkai'ko komentuetan, 1908'tik 1930'ra bitartean noski:
1908'tik 1911'ra, Larrea'n; 1911'tik 1915'ra, Markiña'n;
1915'tik 1921'ra, Begoña'n; 1921'tik 1930'ra, Larrea'n berriro
ere.
Izlaritza zan bere dei bereizia, ta ortan ari ta ari on ikaragarria
egin zuela esan dezakegu euskaldun arimetan. Ba-zuen
doalrik ortarako: adimen zolia, biotz sutsua, gomutamen ederra
ta abots indartsu ta ozena. Berezko auekin bere alegiña elkartzen
zuen: irakastegira igo bear zuen bakoitzean, ondo baiño
obeki gertatu oi zan Jainkoaren itza iragartzeko; erreztasun
aundia zuen arren, etzan egundo ere aotik ortzera itz egiten
duten oietakoa. Euskera gozoa zuen, eta esaten etzitzaion palta
gatza ta ganora. Makiñatxo bat itzaldi eder entzun genion! Nun
ote dira gaur aren sermoiak? Asko zeuzkan.
Probintziko karmeldar nagusi berriak autatzeko 1930'an ospatu
zan Batzarrak Donosti'ko nagusi izendatu zuen A. Florenzio;
1933'tik 1936'ra Altzo'ko buru izan zan, eta 1936'an Aita
Probintzialaren aolkulari ta Eibar'ko nagusi izendatua izan zan.
Gerratean Gipuzkoa'ko, Bizkai'ko ta Santander'ko karmeldar
komentuetako lekaideen ardurea izan zuen. 1937'garreneko
epaillean, Aita Ezekiel Bilbao, Ordenako Aita Nagusi amabi urtez
izendakoakin batera, Frantzira, Agen'go komentura jo zuen;
emendik Ameriketara, 1937-11-24'an Peru'ko Trujillo'ra eldutik.
Ogetasei urtean emengo komentuetan lan egin zuen. Chocope'n
il zan azkenik, 1963-11-14'an.
Ezer argitaratu ez arren, ainbat itzaldi eder idatzi ta esan
zizkigun. Gure literaturan, beraz, ez al du aipu laburra bederen
merezi?
(Ikus Boletin Oficial de la Provincia de San Joaquin de Navarra
de Carmelitas Descalzos, 1964, urtarrilla-bagilla, 38 orr.).
138