Euskal Literatura IV

Zazpi euskal errietatik —bizkaitar, arabar, gipuzkoar, napartar, lapurditar,
baxenapartar eta zuberoatar— aipatzen ditugu berton. Auek,
aiek baiño obeak agiaz? Gaur bear bada euskaldunok oro alkar obeki
ezagutu ta artzen dugu; baiña garai artan ere, ondo alkar bizkor-azi oi
genuen, baita alkarren leian ainbat liburu polit eta baliotsu osotu ta
makiña bat artikulu eder mamitu ere. Izenik? Bear ote?
BIZKAITARRAK.—Azkue, Kirikiño ta onakoak bazter utzita ere, emen
duzu sail bikain au, eriotz ostean oraindiño itzal galanta edatzen dutenak:
Eguzkitza, B. Garitaonandia, Arriandiaga, Seber Altube, J. G.
Ibargutxi, Zamarripa, Lauaxeta, Mikel Arrutza, Kepa Enbeita, Aita
Serafin Albizuri, Lontzi Aba, Joseba Altuna, B. M. Garro, Gabino
Garriga...
Eta aundi-maundion inguruko besteok: A. Martin Uriarte, A. Soloeta,
N. Oleaga, Maruri, Zeferino Xemein, J. M. Errazti, B. Etxezarraga,
Aingeru Madariaga, Luis G. Etxabarri, J. R. Larrinaga, R.
Ortuzar, eta besteak.
OLER-LANA.—Bakoitzak zegokion saillari bere dordo ta bear-miña
eskeiñirik, Bizkai aldean irudiketa arloa goi-goi jarri zutenak, bi auek
ditugu: Laukinitz'eko olerkari goi-zalea ta Kepa Enbeita, Muxika'ko
urretxindor kantari zolia.
Ez aaztu ale ontan eta urrengoan —ezertariko erre-min gaberik
gero— J. Zaitegi'k diñoskuna: «Aitzol'en gizaldia oraindañoko arorik
aintzagarriena izan dala». Ez dakigu etorkizunak zer dakargun. Bedi,
zorionez, obea; baiña orain arte onena izan danik ezin uka dezakegu.
Joana da, geien bat, gaur ta biarkoaren izpillu.
18