Euskal Literatura IV

Muskaria'n zan, an iru urtez filosofia ikasteko. Ondoren lau
urtetan Teolojia ikasi zigun Iruña'n, 1910-12-17'an mezakotu
ta urte bete geiago bertan ikasten jarraiturik.
Aita Intza ta Oieregi biak ikaskide ziran, eta Muskaria
(Tudela)'n asi ziran batez ere euskera ondo ikasten, aldez liburuetan
eta aldez alkarrekin itz egiñaz. Alako baten, Kataluinia'ko
kaputxinoak katalanez ateratzen zuten illeroko orri bat,
«Asis'ko Prantzisko Deunaren Irugarren Ordenakoena», iritxi
zitzaion eskuetara. Aita Buenabentura'k bertatik: «Euskeraz ere
bear genduke onako bat!» Esan zion Intza Aitari, balta gero
Nagusiengandik baimena lortu ere, ta 1913-7'an, Intza Aita ta
biak asi ziran «Irugarrengo Prantziskotarra» ateratzen. Illa betero
zetorren zortzi orrialdekin, Nafarroa'ko mendialdean eta
Gipuzkoa'n eta Bizkaia'n banaturik.
Bospasei urteen buruan 6.000 iyeki saltzen omen ziran, eta
Oieregi Aitari, beti kementsu, azal ta guzti, aldizkari antzera,
edergarriz apainduta ateratzea otu zitzaion: 1919-1'n atera zuten
lenengo zenbakia. Ta orrelaxe zintzo-zintzo, illero ta urtero,
eltzen zan euskaldunen eskuetara 1936'gn. urte zoritxarrekoa
etorri zan arte.
Orrez gaiñera igande geienetan Irugarren Ordenea eraikita
zegoen errietara joan oi zan jendearen altortzak entzutera ta
itzaldiak egitera. Oso txintxo zebillen Oieregi Aita, baita jendea
ere: adiona zutenean jende asko altortzen zan fraldearekin.
Gisa orretan, iñoiz ere gelditu gabe, 1936'gn. urterarte. Orduan
euskal paperak ixildu bearra izan zuten. Paperak ixildu
bai, balña Oieregi Aita etzuten beste euskal idazle askoren antzera,
Euskalerritik bota. Eta, jakiña, euskal lanean jarraitu
zuen. Lekarotz'en aurkitzen zan, eta komentu au lenengotan
beintzat gudarien eritegi izan: Buenabentura Aita euskaldun
gudari zaurituak ikusi, euskeraz itz-egin eta poztutzera joan oi
zitzalen. Urkoari laguntza ematea zan au ere, urko erituari
noski.
367