Euskal Literatura IV

Azparne'n jaio zan 1897-8-10'an. Azparne'n bertan osotu
zituen leen maillako ikasgoak; bigarren maillakoak Beloke'n eta
apaizgorakoak Baiona'ko eliz-ikastetxe nagusian. 1924-7-13'an
artu zuen apalztasuna, ta ondoren bi urtez Erroma'n osatu zizkigun
Teolojian Lizentzi-titulua eskuratzeko ikasketak.
Gero, P. Lafitte'k argitzen gaitunez, «bikario Donibane Lohizunen
bi urte, bikario Baionako Katedralean bertze bi urte,
1930'etik 1937'ra jaun Apezpikuaren segretario, 1933'an ohorezko
kaionje izendatu zuten. Hamar urtez (1937-1947) Azkarateko
erretor, bere osasunagatik. Bertze hamar urte Hazparneko
misionest. 1967'an Hiriburuko apez-xaharren etxerat bildu
behartu zitzaion, bertan heriotzak eraman arte» (Euskera, 1972,
XVII, 286 orr.). Baiona'n itzali zan 1970-7-28'an.
EUSKAL IDAZLE.—Euskaltzaiña 1951'tik. Euskeraz sermolari
bikain, lumaz ere ainbar lan eder egiña. Zazpi urtean —1930-
1937— berak zuzendu ta moldatu zuen «Eskualduna» asterokoa;
baita zazpi urte oietan «Gure Almanaka» jaigi ere. P. Lafitte'k:
«Izkribatzaile bezala, pentsatzen zuen arrazoinekin behar
zirela nasaiki izldritu onak ager-erazi. Onak eta irakur-errexak.
Hots, morala azkar bati zagon, teologia gorenerat bakan
helduz, irakurtzaileari ez kausi beldurrez. Hazparneko eskuara
zerabñkan doi-doia panpinaturik. Erran beharrak hitz gutiz
emaiten zituen, labur eta motz, irakurlea ez zadin gd zirikorda
luzegietan. Bainan hitzak beti xuxen heldu zitzaizkon, indarrez
beterik» (Loc. cit. 287 orr.).
Euskeraz bederatzi liburu ager-erazi zituen, eta frantsesez
bat. Ona:
1) Petain Marechale Frantziaren aintzindaria (Toulouse,
1941). 152 orrialde. Mariskal aundiaren bizitz-orriak.
2) San Josep Jesusen aita ordekoa Mariaren espos laguna
(Baiona, 1942). 186 orrialde.
3) Lurdeko Ama Birjina (Baiona, 1942). 239 orrialde.
4) Fatimako Ama Birjiña (Baiona, 1945). 314 orrialde.
430