ТӨРИЙН АЛБАНЫ ШИНЭТГЭЛ 2022

Бодлого, үйл ажиллагаанд жендерийг тусгах талаарх НҮБ-ын албан ёсны
тодорхойлолтод “Хууль тогтоомж, бодлого, хөтөлбөр зэрэг бүх төлөвлөгөөт үйл
ажиллагаанаас эмэгтэй, эрэгтэй хүмүүст тусах нөлөөллийг бүх салбар, бүх шатанд
үнэлж байх үйл явц. Бодлого, хөтөлбөр боловсруулах, хэрэгжүүлэх, хэрэгжилтэд
нь хяналт тавих, үнэлгээ хийх явцад эмэгтэй, эрэгтэй хүмүүсийн санаа бодол,
туршлагыг зайлшгүй харгалзан үзэж байх стратеги” гэж тодорхойлжээ.
Улс оронд маань явагдаж буй төрийн албаны шинэтгэлийг талархан хүлээн
авч бодлогын зөвлөмж, санхүүгийн дэмжлэг үзүүлж буй НҮБ-ын Хөгжлийн
хөтөлбөр, Канадын Засгийн газарт Та бид нар зүй ёсоор талархах учиртай. Энэхүү
хамтын ажиллагааны нэгэн гол чиглэл нь төрийн албаны жендерийн асуудал.
Өнөөдрийн арга хэмжээ ч үүний нэгэн хэсэг гэж ойлгож болно.
Энэ сайхан уулзалтын үеэр нэгэн дурсамжаа хуваалцъя гэж бодлоо. Миний
хувьд УИХ-ын гишүүнээр ажиллаж байхдаа 2003 оны 12 дугаар сарын 18-ны өдөр
олны ярьж заншсан “Мартын-8”-ыг Олон улсын эмэгтэйчүүдийн өдөр болгон
нийтээр тэмдэглэн өнгөрүүлэх баярын өдөр болгон хуульчилж байснаа дурсан
санахад таатай байдаг. Эмэгтэйчүүдийнхээ төлөө хувь хүний зүгээс оруулсан бага
ч атугай хувь нэмэр юм.
Та бүхэнд аз жаргал, амжилт бүтээлийн дээдийг Төрийн албаны зөвлөлийн
нэрийн өмнөөс хүсэн ерөөе.
Шинэтгэлийг дэмжин хамтран ажиллаж байгаа байгууллагуудын удирдлага
болох хатагтай Конкиевич, хатагтай Ивкоф, хатагтай Бүжидмаа нарын манлайлагч
бүсгүйчүүд Та бидэнтэй сэтгэл санаа нэгдэн ажиллаж байгаад баярлахгүй байхын
аргагүй. Нөгөө талаар төрийн албаны манлайлагч эмэгтэйчүүдийн тоо улам олон
болж, ухаан бодол, ур чадвар нь төр улсын хэргийг удирдан явуулах сайн угтал
хэмээн бэлгэддэг юм.
Ажил амьдралын өргөн замнал, амжилт ололтын урт замыг туулан яваа
бүсгүйчүүд, төрийн албан хаагчдын төлөөлөл энэ уулзалтад оролцож байна.
Сургалтын үйл ажиллагаанд амжилт хүсье.
---о0о---
111