ТӨРИЙН АЛБАНЫ ШИНЭТГЭЛ 2022

Монгол төр өөрөө хүний сайн нөөцтэй байж, тэр нөөцөө үр дүнтэй
ашиглаж чадах эсэхээс бидний зорьж буй шинэтгэлийн үр дүн шууд хамаарна.
Тийм учраас төрийн албан хаагчийн нөөц бүрдүүлэх ерөнхий шалгалтыг зохион
байгуулдаг. Тэр шалгалтыг хэрхэн яаж авах нь вэ гэдэг талаар Та бүхэнд мэдээлэл
өгөх гэж урьсан хэрэг.
Шалгалтын сорил даалгаврыг эрдэмтэн судлаачдыг өргөн хүрээнд
оролцуулан боловсронгуй болгож чадлаа. Шалгалтын сорилын ном хэвлэхийн
зэрэгцээ онлайнаар өөрийгөө сорьж шалгалтад бэлтгэх боломжийг сүүлийн
хагас жил бүрдүүллээ. Гар утасны аппликэйшн хөгжүүлж, өчигдрөөс хэрэглээнд
гаргалаа. Ерөнхий шалгалт хүн бүрийн гарын алга, хурууны үзүүрт очсон гэсэн
үг.
Хөндлөнгийн хэн нэгнээс огт хамааралгүй, зөвхөн өөрөөс нь хамаардаг
шалгалтын үр дүнг бодитой болгож чадсан гэж болно
Өнгөрсөн жилийн 11 сард төрийн албаны ерөнхий шалгалтын бэлтгэл
ажилтай сэтгүүлчдийг танилцуулсан. Зарим нь энд байгаа байх.
Төрийн албаны зөвлөлөөс “Төрийн албаны шинэтгэл” ерөнхий сэдвийн
хүрээнд ярилцлага, нийтлэл бичих уралдааныг сэтгүүлч, хэвлэл мэдээллийн
ажилтнуудын дунд явуулсан. Тэд нараас сонин содон санаа, шийдлүүд гаргаж
ирсэнд талархахгүй байхын аргагүй.
Өнөөдөр нэг талаар хүн болгон “сэтгүүлч” болчихсон, Фэйсбүүк, Твийтэр,
Инстеграмын нэг байтугай акаунттай хүмүүс нийгэмд мэдээлэл түгээж, үзэл
бодлоо илэрхийлдэг болсон цаг үе. Нөгөө талаас тухайн чиглэл, салбараар
мэргэшсэн аналитик (аналист-analyst) сэтгүүлчдийн үнэ цэн улам бүр өсөж
167