ТӨРИЙН АЛБАНЫ ШИНЭТГЭЛ 2022

90-ээд оны дунд үеэс хойш төрсөн “унаган дижитал-Z” (зэт) үеийнхэн
нийгмийн идэвхтэй амьдралд орж байгаа энэ үед тэдний сэтгэл зүйн онцлог
байдлыг таньж мэдэх, зөв удирдах талаар сонирхолтой санаануудыг ч уг номоос
Та бүхэн олж мэдэх болно.
Номд дурдагдаж байгаа дэлхий хөгжлийн 21 дүгээр зууны чиг хандлага,
сорилт, бэрхшээл манай орны хувьд ч ихээхэн төстэй. Иймд бид ялангуяа төрийн
албан хаагчдыг 21 дүгээр зуунд хэрхэн бэлдэх вэ гэдэгт уг номоос авах туршлага,
санаа маш их.
Улсын Их Хурлын ТББХ энэ хавар Төрийн албаны зөвлөлийн үйл
ажиллагааны тайланг хэлэлцээд 2030 он хүртэл төрийн албаны шинэтгэлийг
хэрэгжүүлэх үзэл баримтлал, стратегийн баримт бичиг боловсруулахыг бидэнд
даалгасан.
Үүний зэрэгцээ Л.Оюун-Эрдэнэ сайдын санаачилгаар Монгол Улсын урт
хугацааны хэтийн төлөвийг тодорхойлох ажил Засгийн газрын бүхий л түвшинд
хийгдэж байгаа.
Дээр дурдсан бодлогын баримт бичгүүд, стратеги, мөн хүний нөөцийн
удирдлагатай холбоотой журмууд, ялангуяа албан тушаалд тавигдах тусгай
шаардлагад эдгээр үзэл санааг тусган, Монголын хөрсөнд буулгаж болохоор шинэ
санаа дэвшүүлснийг эх хэлнээ хөрвүүлсэн нь цагаа олсон ажил боллоо.
“21 дүгээр зууны төрийн албаны менежер” номыг зохиогч Сингапурын Их
сургуулийн профессор Зегер ван дэр Вал, орчуулсан төслийн техникийн зөвлөх
Ц.Даваадулам, редакторласан УИХ-ын даргын зөвлөх Ж.Сүхбаатар нарт
хүрэлцэн ирсэн Та бүхний болон Төрийн албаны зөвлөлийн өмнөөс талархал
илэрхийлье.
Бид шинэ зууныхаа ажил үйлсийг бодож төлөвлөхдөө, НҮБ-аас дэвшүүлсэн
тогтвортой хөгжлийн зорилтуудыг үндэснийхээ хэмжээнд хэрэгжүүлэхдээ шинэ
зууны төрийн албаны өнгө төрхийг тодорхойлсон энэ номын авлага болгоё гэж
зорьсон юм.
“Ном надад хаан ширээнээс илүү үнэтэй” гэсэн их зохиолч Шекспирийн
үгээр номын цагаан буян ашид дэлгэрэхийг билэгдэн энэхүү ёслолын үйл
ажиллагааг нээснийг мэдэгдье.
---о0о---
245