ТӨРИЙН АЛБАНЫ ШИНЭТГЭЛ 2022

1. Хууль зөрчсөн томилгоо бүхний ард ашиг сонирхол байгаа эсэхийг
шалгадаг болъё.
2. Шударга байдлын үнэлгээ, судалгаанд тулгуурлан авлигын эрсдэл бүхий
салбар, байгууллагуудад нэгдмэл, цогц хяналт шалгалт хийе.
3. Төрийн албан тушаалтан, төрийн албан хаагчийн ёс зүй, зан үйлийн
стандартыг шинээр гаргаж, шударга ёсны соёлыг хэвшүүлье.
4. Албан тушаалтны буруутай шийдвэрийн улмаас төрд учирсан хохирлыг
нөхөн төлүүлэх ажилд хүчээ нэгтгэе.
5. Төрийн захиргааны болон төсвийн шууд захирагчийн албан тушаалд зөвхөн
сонгон шалгаруулалтаар орж нэр дэвшүүлсэн иргэний урьдчилсан
мэдүүлгийг хянах нэгдсэн зохицуулалттай больё.
6. Төрийн үйлчилгээний чанар, хүртээмж, үр нөлөөнд олон нийтийн хяналт
тавих зөвлөлийн үйл ажиллагааг зөв, тууштай хэрэгжүүлэхэд манлайлал
үзүүлж ажиллацгаая.
Шинэ технологи, инновацад суурилсан цахим шилжилт төрийн үйл
ажиллагааны ил тод байдлыг хангах үндсэн арга зам болж байна.
Төрийн албаны зөвлөл төрийн албаны их өгөгдөлд суурилсан Хүний
нөөцийн нэгдсэн удирдлагын цахим системийг хөгжүүлж Сангийн яамны
цалингийн нэгдсэн системтэй холбож орон тоо, цалингийн давхардал, томилгооны
зөрчил илрүүлэх, төрийн албан хаагчийн бүртгэл хөдөлгөөний мэдээлэл үнэн зөв,
шуурхай хийгдэх, төрийн байгууллагуудын орон тоонд хяналт тавих нөхцөл
бүрдсэн.
Одоо төрийн бусад байгууллагуудын цахим системтэй интеграцжуулах
ажил хийж байна.
Төрийн албаны сонгон шалгаруулалтын бүртгэх, дүгнэх зэрэг шалгалтын
бүхий л процессыг бүрэн цахимжууллаа. Сонгон шалгаруулалтыг хүний оролцоо,
хөндлөнгийн нөлөөлөлгүй, олон нийт, мэргэжлийн байгууллагуудын хяналтын дор
ил тод, нээлттэй шударгаар явуулдаг боллоо.
Төрийн албаны шалгалтад амжилт үзүүлэх эсэх нь зөвхөн шалгалт өгч
байгаа иргэнээс өөрөөс нь шалтгаалдаг болсон. Цаашид хиймэл оюун ухаанд
суурилсан шалгалтын арга хэлбэрийг нэвтрүүлнэ.
83