ТӨРИЙН АЛБАНЫ ШИНЭТГЭЛ 2022

Шинэтгэл гэдэг буруу зөрүү, болж бүтэхгүй байгаа (авлигад автсан гэх мэт),
бас сэтгэл ханамжгүй байгаа зүйлийг засаж сайжруулах, төгөлдөржүүлэхийг
хэлдэг суурь ойлголт бий.
Төрийн албаны шинэтгэл маань ямар нэг зүйлийг хэвэнд хийж, тэнийлгэж,
муруйлгаж өөр хэлбэр дүрстэй болгох дүрс, хэлбэрийн төдий шинэтгэл биш.
Үүнийг иргэд ч, төрийн албан хаагчид ч ойлгосон гэж болно. Нийгмийн хүлээлт,
хүсэмжлэл, шаардлага ч бүгдэд мэдэгдэж, мэдрэгдэж байгаа.
Аливаа шинэтгэлийн хувь заяа, үр дүн олон тулгуур, олон хүчин зүйлээс
хамааран амжилтад хүрэх эсэх нь шийдэгддэг.
Энэ маань уламжлалт нийгэмд, урсгал байдлаар явагдаж байгаа
шинэтгэл биш. Харин нийгмийн ВУКА орчинд хийгдэж байгаа шинэтгэл.
Шинэтгэлийн энэ олон хүчин зүйлийн маш чухал бүрэлдэхүүн хэсэг нь
санхүү, төсөв, эдийн засгийн баталгаа.
Төрийн албаны төв байгууллага үйл ажиллагаагаа 25 жил гаруй явуулж ирж.
Харин шинэтгэлийн энэ шатанд ТАЗ-ийн үйл ажиллагааны хамрах хүрээ (цараа),
хариуцах ажил, хүлээх үүрэг эрс нэмэгдсэн.
Ажлын энэ онцлогт тохирсон бүтэц, орон тоог УИХ баталж өгсөн. Харин
бодит ажил хэрэг болох учиртай төсөв, санхүүгийн төлөвлөлтийг хянан
баталгаажуулахад Сангийн яам маш сайн ажилласан. Үүнийг төрийн албаны
шинэтгэлд Сангийн яамны оруулж буй гэж бодит хувь нэмэр хэмээн үзэж болно.
Шинэтгэл эдийн засагжиж, эдийн засгийн утга агуулгаар баяжиж байж үр
дүнд хүрэх нь маш тодорхой. Та бидний хийсэн, одоо хэрэгжүүлж буй дараагийн
том алхам бол төрийн албан хаагчийн цалин хөлсний системийг хүний
нөөцийн удирдлага, мэдээллийн сантай холбож чадсан амжилт.
Тогтоосон цалин, хуулийн зөрчилгүй томилгоо жингийн хоёр таваг дээр
тэнцэж байх нөхцөл төрийн албанд бүрдэж буй нь амжилт гэхээс өөрөөр хэлэх
аргагүй.
Энэ бол их өгөгдөл дээр амжилттай ажиллах, өгөгдөл мэдээллээ шинэчлэн
боловсронгуй болгох, өгөгдөл шуурхай солилцох, өгөгдлийн санг эргэлтэд оруулах
чиглэлээр хийсэн томоохон ажил.
Төсвөөс цалинждаг байгууллага, төрийн болон орон нутгийн өмчит
үйлдвэрийн газар, хуулийн этгээд, тэдгээрийн албан хаагч, ажилтнуудын
мэдээллийг төр нэгтгэн гаргасан. Та бүхэнд, мөн Засгийн газрын ХЭГ-т хүргүүлсэн.
Дэлхийн банкнаас төрийн албаны шинэтгэлийн гарааны нөхцөл байдалд
судалгаа хийсэн. Судалгааны үр дүнг хэлэлцэх явцад төрийн албаны цалин хөлс,
ангилал, зэрэглэлийн суурь судалгааг хийх тохиролцоонд хүрсэн.
Зөв тоонд үндэслэсэн зөв мэдээлэл дээр бодлогын хувилбарууд явагдах
учиртай.
Гэх мэтчилэн ажлын сайн эхлэл, хамтын ажиллагааны үр дүн багагүй байна.
143