ТӨРИЙН АЛБАНЫ ШИНЭТГЭЛ 2022

Сонгон шалгаруулалтын үйл явцыг бүхэлд нь цахимжуулснаар шалгалт
авагчаас биш шалгуулагчаас өөрөөс нь үр дүн шалтгаалдаг системд орлоо.
Ашиглагдаж байгаа хүний нөөц буюу ажиллаж байгаа төрийн албан хаагчид
205.0 мянга, сул орон тоонд ажиллах хүсэлтэй, ерөнхий шалгалт өгч тэнцсэн 8
мянга гаруй хүнтэй байна.
Шалгалт цахимжиж, шударга байдал хангагдахын хэрээр мэдлэг оюунаа
сорих, төрд ажиллах сонирхолтой шинэ залуу үеийн түрлэг нэмэгдсэн гэж болно.
Төрийн албаны нөөц буюу “Үндэсний хүний нөөцийн банк” ийнхүү бүрдлээ.
Хувийн хэвшлийнхэн төрийн албаны нөөцөөс шилдэг залуу хүмүүсийг сонирхдог,
ажилд авдаг болсон нь нөөцийн чанарын нэг гол үзүүлэлт юм.
Төрийн албаны мерит, шатлан дэвших тогтолцооны зэрэгцээ
төрд зайлшгүй шаардлагатай хүний нөөцийн хэрэгцээ байгааг бид
ойлгодог.
Бизнесийн салбарт түгээмэл байдаг “Headhunting” буюу монголчилбол
толгойн ангуучийн ойлголт олон орны төрийн албанд нутагшжээ. Занданшатар
дарга энэ талаар байр сууриа маш тодорхой илэрхийлж байсан билээ.
Англи Улсад байдаг нэн шаардлагатай мэргэжил, өндөр ур чадвартай
хүмүүсийг шууд томилдог жишиг төрийн алба нь төлөвшсөн зарим орнуудад
хэрэгждэг. Гэхдээ холбогдох яамнаас уг ажилд томилох хүний зайлшгүй чухал
гэдгийг нотолсон хүсэлтийг Төрийн албаны комисстоо ирүүлж зөвшөөрөл авдаг,
дараа нь аудитаар шалгуулдаг, зарим тохиолдолд тухайн хүнээ бүр мөсөн
ажиллуулах шийдэлд хүрдэг байх жишээний. (Яамны хүсэлтийн хүснэгт)
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
118