ТӨРИЙН АЛБАНЫ ШИНЭТГЭЛ 2022

санхүүжилтийн асуудлыг шийдвэрлэхэд Таны оруулсан хувь нэмрийг тэмдэглэхэд
таатай байна.
2020 оны ажлаа “Хуулиа дээдэлсэн иргэдээ эрхэмлэсэн” зорилтын дор
эрчимтэй зохион байгуулна.
Төрийн албаны шинэтгэлийн алсын харааг “Чадахуйн зарчимд
суурилсан, шатлан дэвших тогтолцоо бүхий, улс төрөөс хараат бус, иргэн
төвтэй, жендэрийн мэдрэмжтэй, тогтвортой, мэргэшсэн төрийн албаны
соёлыг төлөвшүүлнэ” гэж тодорхойлж байна.
Ирэх онд:
1) Төрийн албаны шинэтгэлийн стратегийн баримт бичгийг шинэчлэн
боловсруулж, батлуулан хэрэгжүүлнэ;
2) Төрийн албаны тухай хуулийн үзэл баримтлал, зарчимд бусад хууль
тогтоомжийг нийцүүлнэ;
3) Нийт төрийн албаны хэмжээнд нэгэнт батлагдсан хууль тогтоомжийг
хэрэгжүүлэн дагаж мөрдөж байгаа нөхцөл байдалд хяналт шинжилгээ хийж,
байгууллага бүрийг төрийн албаны хууль тогтоомжийн зөрчилгүй ажиллах
дархлаатай болгоно;
4) Төрийн албаны хүний нөөцийн аудитыг агуулга, зорилтын дагуу
хэрэгжүүлж, үр нөлөөг нь байгууллагын хөгжилд ашиглах ажлыг эхлүүлнэ;
5) Төрийн албан хаагчийн ёс зүйн талаар соён гэгээрүүлэх, зөрчлөөс
урьдчилан сэргийлэх, хяналт тавих, таслан зогсоох, зөрчлийг цаг тухайд нь
шийдвэрлэж, хариуцлага хүлээлгэх үйл ажиллагааг байгууллага нэг бүр
хэвшүүлнэ;
6) Төрийн албан хаагчийн сургалт, хөгжилтэй холбоотой асуудлыг хууль
тогтоомжид заасан агуулга, хэлбэрээр шинэчлэн зохион байгуулж,
хамтрагч байгууллагуудын (ТАЗ, ЗГХЭГ, Удирдлагын академи) хооронд
зохистой хамтын ажиллагааны горим тогтооно;
7) Төрийн албаны шатлан дэвших нөөцөд хамрагдах төрийн албан хаагчдын
судалгааг бүрэн гаргаж, шатлан дэвшүүлэх болзол шаардлагыг хангуулах
арга хэмжээг төлөвлөн хэрэгжүүлнэ;
8) Төрийн албаны ерөнхий болон тусгай шалгалтыг технологийн дэвшилд
тулгуурлан шударга, бодитой явуулах бүх талын нөхцөлийг бүрдүүлнэ;
225