ТӨРИЙН АЛБАНЫ ШИНЭТГЭЛ 2022

Цаашдаа олон журам, дүрмүүд дээр сууна.
Ангилал, зэрэглэлийн асуудалд өөрчлөлт оруулах санал дүгнэлт
боловсрууллаа. Засгийн газар, салбар яамд идэвхтэй оролцож байгаа,
судалгааны ажлууд үндсэндээ хийгдсэн.
Өнөөдөр хэлж яригдсан зүйлсийг ажил дээрээ тусган авч
хэрэгжүүлээрэй.
Цаашид ч олон чиглэлээр зөвлөмж хүргүүлнэ.
Зөвлөмж гэхээр зөөлөн сонсогдоод байж магадгүй.
Зөвлөнө гэдэг алдахаас сэргийлж, онож ажиллахыг дэмжиж буй хэрэг.
Нөгөө талаар алдаа гаргаад байгаа чиглэлээр өгч буй сануулга дохио, шүүмжлэл
ч гэж ойлгож болно.
Төрийн нарийн бичгийн дарга гэдэг манай төр, улсын хамгийн эрхэмсэг
нэртэй албан тушаал гэж би хувьдаа боддог. Төрийг төлөөлж, төрийн нэрийн
өмнөөс бүхэл бүтэн салбарын хөгжил, хүний нөөцийн бодлогыг явуулж, төсвийг
шууд захиран зарцуулж байгаа ажилтнууд бол Та бүхэн.
Төр, иргэд ширээний хоёр талаас бие биеэ харах бус, нэг тийшээ зэрэг харж
чаддаг болж гэмээнэ иргэн төвтэй, итгэл даах төрийн албыг бид төвхнүүлж чадна.
Хуулийн зарчмууд ч тийм байгаа. Алсын хараа-2050-ын үзэл санаа ч мөн адил.
Цаг хугацааны эргүүлэг, дэлхий нийтийн хөгжлийн хурдад бүдрэн унахгүй,
харин ч цаг үеэ өөрсдөө хөтлөн жолоодох тийм цаг үед төрийн алба хашиж
буйгаараа бид бахархах ёстой.
Ийм байх эрх, үүрэг хуулиар Та бүхэнд ногдсон.
Энэ эрх, үүргээ хэрэгжүүлэхдээ:
- инновац шингэсэн,
- шинийг эрэлхийлсэн,
- асуудлаас зугтан зайлах биш
- шийдэл, гаргалгааг олж чаддаг чадварлаг төрийн албыг
- чадахуйн зарчим-мерит, шатлан дэвших тогтолцоогоор “бүтээх”
алсын хараатай ажиллахыг Та нартаа хүсье.
---о0о---
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
184