ТӨРИЙН АЛБАНЫ ШИНЭТГЭЛ 2022

Дэлхийн эдийн засгийн форумын “Жендерийн тэгш бус байдлын индекс”-д эдийн
засаг, боловсрол, эрүүл мэнд, улс төрийн оролцоо гэсэн 4 үзүүлэлтээр тухайн орны
жендерийн тэгш бус байдлыг үнэлдэг.
Манай улс энэ индексээр Зүүн Ази, Номхон далайн бүсийн 20 орноос 7-д, дэлхийн
156 орноос 69-д эрэмбэлэгдэж байгаа нь харьцангуй дэвшилттэй үзүүлэлт. Цаашид ч
нийгмийн амьдрал, эдийн засаг, улс төрийн үйл ажиллагаанд эмэгтэйчүүдийн оролцоог
нэмэгдүүлэх боломж бий.
Төрийн албаны зөвлөлөөс адил ажил албан тушаалд ижил ойролцоо цалин хөлс
олгох судалгааны ажлыг Хөдөлмөр, нийгмийн хамгааллын яам, Сангийн яам, Дэлхийн
банктай хамтарч эхлүүлээд байна.
Судалгаанд суурилсан, бүтээмжид чиглэсэн цалин хөлсний тогтолцоог
нэвтрүүлснээр нийгмийн баталгаа сайжирч, төрийн албаны хүний нөөцийн шинэтгэл
эдийн засгийн агуулгаар өргөжих болно.
Аливаа зүйлийг хийж бүтээх арга зам нь инновац, түүнээс ч сайн хийж бүтээх арга
бол та бидний сэтгэл, дотоод итгэл үнэмшил, хандлага соёлын эрс өөрчлөлт юм.
Эмэгтэйчүүдийн карьер хөгжлийг дэмжих, замаар төрийн албан дахь тэгш
боломжийг бүрдүүлж эхэллээ. Төрийн албаны зөвлөлөөс “Төрийн албанд жендерийн тэгш
байдлыг хангах үйл ажиллагааны төлөвлөгөө (2021-2023)-г батлан хэрэгжүүлж байна.
Өнөөдрийн энэхүү чуулган ч төлөвлөгөөнд тусгагдсан ажлуудын хэрэгжилтийн нэг нь юм.
Иргэдийн төрийн алба хаах тэгш эрхийн боломжийг бодит утгаар нь өргөтгөх, жендерийн
тухай хэвшмэл ойлголт, хандлагыг арилгах чухал алхам гэдэгт итгэлтэй байна.
Төрийн албаны тэгш боломжийг хүнд суртал, ашиг сонирхлын зөрчлөөс ангид
байлгахгүйгээр төсөөлөхөд хэцүү.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
76