ТӨРИЙН АЛБАНЫ ШИНЭТГЭЛ 2022

Эхлүүлсэн ажлаа амжилттай явуулах суурь
Төрийн албыг цахимжуулах үйл явцад томоохон алхам хийлээ.
Төрийн албаны хүний нөөцийн санг бүрэн цахимжууллаа.
Энэ системээ Сангийн яамны цалингийн нэгдсэн системтэй холболоо.
“ХУР” системтэй ойрын хугацаанд холбогдож төрийн мэдээллийн их
өгөгдлийн бүрэлдэхүүн хэсэг болоод явах юм.
Төрийн албаны мэдлэг, мэдээлэл аажмаар блокчэйн технологид шилжих,
дижитал шилжилтэд орох суурь ажлууд ийнхүү тавигдаж чадлаа.
Төрийн албаны улсын хэмжээний нарийвчилсан тоон мэдээллийг иж бүрэн
агуулсан “Замын зураглал”-ыг анх удаа гаргалаа. Их өгөгдлийн суурийг нэгтгэсэн
тоон хавтгай, ерөнхий зураглал төрийн албаны шинэтгэлийн луужин болж чадна.
Хаана, хэн, ямар ажилд томилогдож, чөлөөлөгдөж байгаа, хаана сул орон
тоо үүсэж байгаа зэрэг хүний нөөцийн шилжилт хөдөлгөөнийг “Бодит цаг”-(Real
time)-ийн хэмжүүрээр шуурхай мэдэх боломж орон даяар үүснэ.
Томилгооны зөрчил де факто арилна гэсэн үг.
Ийнхүү мэдээллийн царцанги байдал арилж, мэдээлэл эрэлт хэрэгцээнд,
бас эргэлтэд орж байдаг нөхцөл бий болно.
Төрийн байгууллагуудад “Идей банк” бий болгож, идей генераторууд,
инновацийн мастеруудыг төрүүлэх оновчтой мехнаизм бий болгохыг зорьж байна.
Уламжлалт бус сэтгэлгээ, инновацийн шийдлүүдийг төрийн албанд
тасралтгүй нэвтрүүлэх талаар НҮБ-ын Хөгжлийн хөтөлбөртэй хамтран ажилласны
дүнд 20 гаруй төслийг сонгон хэрэгжүүлж байна.
117