ТӨРИЙН АЛБАНЫ ШИНЭТГЭЛ 2022

Санхүү, төсөв шаардагдахгүй боловч бодитой, баталгаатай үр дүн
гардаг сэдэв.
Өчигдөр Засгийн газрын 2 гишүүн уучлал гуйж огцорлоо (чөлөөлөгдөх
өргөдлөө өглөө). Учир явдлыг бүгдээрээ мэдэж байгаа байх.
Болсон үйл явдалд хэн буруутайг би энд ярихгүй. Гар, биеэр шууд оролцсон
зүйл байгаа эсэхийг ч би мэдэхгүй.
Гэхдээ эрхэлсэн ажил, хариуцсан салбарынхаа хүрээнд бусдын өмнөөс
уучлал гуйж чаддаг, ёс суртахууны хариуцлага хүлээж чаддаг жишиг, эерэг
хандлага нийгэмд бий болж буйн бодит хүчтэй дохио гэж хэлж болно байх.
Сургалтад оролцогчдын хүрээ өргөжиж өнөөдөр хилийн чанадаас
хамрагдлаа.
Монголчууд эрт цагаас элчин харилцаа-дипломат албыг Монгол төрийн
алтан аргамж хэмээн эрхэмлэж ирсэн уламжлалтай. Энэ алтан аргамжийг энэ цагт
“авч яваа” дипломатууд маань манай сургалтад оролцож байна.
БНХАУ-ын Өвөр Монголын Өөртөө засах орны Хөх хотод суугаа ерөнхий
консул С.Батхуяг тэргүүтэй консулын газрынханд талархал илэрхийлж, амжилт
хүсье.
Сургалт явуулах талаар санаачилга гарган ажиллаж буй Сургалт, судалгаа,
мэдээллийн нэгдсэн сангийн газрынхандаа болон Д.Зүмбэрэллхам гишүүндээ,
мөн уригдан ирж мэдлэг, мэдээллээ хуваалцсан Я.Долгоржав багшдаа талархал
илэрхийлье.
Сургалтаас ойлгож мэдсэнээ үйл ажиллагаа, амьдрал ахуйдаа шингээж
чадвал хувь хүнд, байгууллага, салбарын ажилд, том зургаараа шинэтгэлд маань
тус дэмтэй.
Төрийн албан хаагчийн ёс зүйн хэм хэмжээг хууль, дүрэм журмаар
зохицуулж болох боловч хүний итгэл үнэмшил, зан төлөвөөр дамжин хэрэгжих нь
тодорхой.
Төрийн албаны ёс зүйн хэм хэмжээг сахиулахын тулд хуулийн заалтыг
мөрдөн ажиллах, ёс зүйн дүрмийг сахин мөрдүүлж, сахилгын арга хэмжээ авч
болно.
Гэхдээ байгууллагын соёл, удирдлагын манлайлал, албан хаагчдын зан
төлөвт тулгуурласан ёс зүйн менежментийг хэрэгжүүлэх нь хамгийн чухал гэдэг
юм билээ шүү.
---о0о---
171