ТӨРИЙН АЛБАНЫ ШИНЭТГЭЛ 2022

Тогтвортой, урьдчилан төсөөлөх боломжтой, үр ашигтай үйлчилгээг иргэдэд
үзүүлэх жил болгоно.
Хоёр. АЧАА үүрэх чадварлаг ажилтан
Бүгдээрээ ойр ойрхон нүүр тулан уулзаж, санаа бодлоо илэн далангүй
солилцож, өдөр шөнийг үл ажран их ажлын эхлэлийг тавьсаар энэ оныг үдэж
байна.
Гараа сайн бол бариа сайн гэдэг. Шинэтгэлийг шинэ ажлын гарааны
нөхцөлөө бодитой тодорхойлж, мэдээллийн хүртээмж, ойлголтоо нэгтгэж чадвал
үр дүн гарна гэж үзсэн.
Яамдын Төрийн нарийн бичгийн дарга, агентлагийн дарга, аймаг,
нийслэлийн ЗДТГ-ын дарга, ИТХ-ын нарийн бичгийн дарга зэрэг тэргүүн болон
эрхэлсэн түшмэл, төрийн өмчийн болон төрийн өмчийн оролцоотой компани,
үйлдвэрийн газрын захирлууд зэрэг топ менежерүүдийн сургалтыг үе шаттайгаар
зохион байгууллаа. Бүх аймагт ажиллалаа.
Сургалтын үзэл санааг ажилдаа тусган авч хэрэгжүүлсэн гэдэгт итгэлтэй
байна.
Ирэх жил сурснаа хэрэгжүүлэх, үр дүн гаргах, иргэдэд хүргэх төрийн
үйлчилгээг чанаржуулах жил болгоно. Цаад утгаараа 21 дүгээр зууны төрийн
албаны удирдах ажилтанд “мэдэгдэж байгаа”, бас “үл мэдэгдэх” олон сорилуудад
өөрсдийгөө бэлтгэхийг хичээж буй хэрэг. Бэлтгэгдэж чадсан хүн сорилуудыг
бэрхшээл, хохирол багатай даван туулна.
Мэдлэгтэй, ур чадвартай, мэдээлэл боловсруулж чаддаг эрдэм илүү төрийн
албан хаагч үүнийг чадна. Тиймээс төрийн албыг АЧАА гэж зүйрлэвэл алдаагүй
бодлогыг чадварлаг ажилтан хэрэгжүүлсний үр дүнд айдасгүй иргэдийн
амьдралын баталгаа бий болно гэж томьёолдогоо дахин хэлье.
Гурав. Шинэчлэлийг шинэ үзэл санаагаар
Саяхан манай улсын эрдмийн уурхай болсон МУИС-ийн дугуй танхимд
зохион байгуулагдсан эрдэмтэд, судлаачид оролцсон “Тэсрэлтэт технологийн
эрэн ба бодлого” хэлэлцүүлэгт миний бие ухаалаг, чадварлаг залуусыг төлбөрийн
чадварыг нь үл харгалзан бэлддэг тогтолцоо бий болгох талаар санал дэвшүүлж,
үзэл бодлоо илэрхийлсэн.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
230