ТӨРИЙН АЛБАНЫ ШИНЭТГЭЛ 2022

Төрийн албаны тухай хуулийн 26.3-т заасны дагуу ажилласан жилийг
тогтоосон тусгай шаардлагын 50 хувийг хангасан төрийн албан хаагч сүүлийн 12
сарын хугацаанд ёс зүйн хариуцлага, сахилгын шийтгэл хүлээгээгүй байх ёстой.
Томилох эрх бүхий байгууллага, албан тушаалтнаас ёс зүйн хариуцлага,
сахилгын шийтгэл хүлээсэн, Төрийн албаны тухай хуулийн 26.3-т заасны дагуу
ажилласан жилийг тогтоосон тусгай шаардлагын 50 хувийг хангаж байгаа албан
хаагчийг шатлан дэвшүүлэх тухай санал ирүүлж байгаагүй. Сахилга, ёс зүйн
зөрчил болон зөрчил үүсэхээс урьдчилан сэргийлэхтэй холбоотой элемент
агуулсан асуулт нийт ярилцлагын асуултын 10 хувийг бүрдүүлж байна.
Монгол улсын иргэн төрийн алба хаах адил тэгш боломжоор хангагдах
төрийн албаны зарчмыг бодитоор хэрэгжүүлэх, төрийн албаны ерөнхий шалгалт
болон албан тушаалын тодорхойлолтод суурилсан тухайн албан тушаалын тусгай
шалгалтын агуулга, хэлбэр, арга зүй, аргачлал, зохион байгуулалтын талаар
зөвлөл цахимд суурилсан томоохон шинэчлэл хийлээ.
Шалгалтын төрөл, хэлбэрийг шинэчилж, эрдэмтэд, судлаачдын
оролцоотойгоор сорил, тестийн агуулгыг баяжуулан шинэчилж, сонголт
хувилбарыг олшруулж, тестийн сангийн өгөгдлийг хэд дахин нэмэгдүүлснээс
гадна, е-taz аппликэйшнийг хөгжүүлж, бичмэл болон онлайн хэлбэрээр, гар утас,
facebook зэрэг нийгмийн сүлжээнд нээлттэй, хэрэглэгчдэд тэгш хүртээмжтэй, ил
тод болгосон нь ахиц дэвшил байлаа.
Үр дүн нь шалгалт иргэдэд тэгш нөхцөлөөр, ил тод нээлттэй байдлаар, аль
нэг албан тушаалтан болон субъектээс үл хамаарсан, хөндлөнгийн нөлөөлөлгүй,
шударга үнэлгээний зарчмаар явагддаг болсноор сонгон шалгаруулалт тойрсон
маргаан гомдол үндсэндээ арилсан. Шалгалтад оролцогчдод шалгалтын дүн шууд
хүлээн зөвшөөрөгдөх хэмжээнд хүрсэн. Энэ бол төрийн албанд шударга ёсны
зарчим хэрэгжих эхлэл, нийгмийн шударга ёс тогтооход оруулж буй хувь нэмэр гэж
бодож байна.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
98