ТӨРИЙН АЛБАНЫ ШИНЭТГЭЛ 2022

Төрийн албаны ерөнхий шалгалтын
нээлт дээр хэлсэн үг
2021.03.12
Төрийн албанд анх орох иргэний шалгалт өгөхөөр догдлон суугаа Та бүхэнд
энэ өглөөний мэнд хүргэе.
Хүн ирээдүйн амьдралаа баталгаатай байлгахыг хүсэж, ирж буй цаг
хугацааг илүү утга учиртай байлгахын төлөө бага балчраасаа цэцэрлэг,
сургуулиар дамжин олон жил сурч бэлтгэгддэг. Хамгийн товчоор хүний амьдралыг
тодорхойл гэвэл би “шалгалт” гэж хэлнэ. Эргээд харахад Та бид маш олон
төрлийн шалгалтыг давж туулсан байгаа биз.
Тэдгээрийн дотроос дэлхийн улс орнуудад хамгийн түгээмэл байдаг,
хамгийн үнэ цэнтэй шалгалтуудын нэг нь Та бүхний өнөөдөр өгөх гэж буй төрийн
албаны шалгалт.
Ийм шалгалт өгөх нь хүн зөвхөн өөрийнхөө төлөө гэхээс илүүтэй нийт
иргэд, төр улс, эх орныхоо төлөө ажиллаж амьдрахын утга учраа ухамсарласны
нэг илрэл гэж болно. Учир нь Таны төрийн жинхэнэ албан хаагч болох замнал
эндээс эхэлнэ.
Өнөөдөр манай улсад явагдаж буй төрийн албаны шинэтгэлийн цөм нь
өндөр мэдлэг боловсрол, ур чадвар, ёс зүйтэй хэн боловч ижил тэгш боломж,
нөхцөлөөр төрийн албанд ажиллах явдал. Үүний тулд төрийн алба өөртөө хүний
сайн нөөц бүрдүүлж, ажлын сул орон тоо гармагц тусгай шалгалт зарлан нөөцөө
ашигладаг тогтолцоонд шилжсэн.
163