ТӨРИЙН АЛБАНЫ ШИНЭТГЭЛ 2022

хатуухан хэлснийг сонссон байх. Төрийн албаны шинэтгэлд гүйцэтгэх засаглалын
тэргүүн манлайлал үзүүлэх итгэл үнэмшлээ илэрхийлж байгаа хэрэг.
Орон нутгийн хувьд ч мөн адилхан. Улс төрөөс ангид төрийн жинхэнэ алба
бүрдүүлэх асуудалд онцгой анхаарах ёстой.
Төрийн албан хаагчдын цалинг цаашдаа нэмэх бодлого баримтлахаа
Ерөнхий сайд хэлсэн. Ямар ч хүн, түүний дотор төрийн албан хаагчид маань цалин
хөлс нь хүрэлцээтэй байж ажил амьдралаа тэгш авч явах нь бодит үнэн.
Төрийн албаны ангилал, зэрэглэлийг боловсронгуй болгох, цалин хөлсний
системийг шинэчлэх судалгааны ажлыг Төрийн албаны зөвлөлөөс олон талын
оролцоотойгоор эхлүүлсэн. Энэ ажил цаашид эрчимтэй үргэлжилнэ.
4. Шинэтгэлийн эрх зүйн шинэ орчин
Төрийн албаны шинэтгэлийн эрх зүйн орчин илүү боловсронгуй болох, илүү
олон асуудлыг хамран баяжих хандлагатай байна.
Боловсруулалтын шатанд, бас УИХ-д өргөн баригдсан хэд хэдэн хуулийн
төсөл бий.
Төр, хувийн хэвшлийн байгууллагын үйл ажиллагааг шүүмжилсэн,
мэдээлсэн, илчилсэн тохиолдолд хууль зүйн хариуцлагад татах, дарамтлахаас
мэдээлэгчийг хамгаалах, урамшуулах зорилготой Шүгэл үлээгчийн тухай хуулийн
төслийг өчигдөр Ерөнхий сайд УИХ-д өргөн барьсан.
Сонгон шалгаруулалтын хуулийн төслөөр Төрийн албаны зөвлөлийн
одоогийн сонгон шалгаруулах үйл ажиллагаа илүү өргөн хүрээтэй болж төрийн
алба төдийгүй төрийн өмчийн хуулийн этгээдүүдийг хамруулах хандлагатай болох
нь. Төрийн албаны ёс зүйн харилцааг хуульчлах бэлтгэл ажил явагдаж байна.
Өргөн хүрээний хэлэлцүүлэг өрнөж байгаа. Та бүхний саналыг ч авсан.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
90